Гродзенка Сальвія Альховік нечакана нават для сямой сябе ўсталявала сусветны рэкорд па станавай цязе без экіпіроўкі ў вагавой катэгорыі да 44 кг. Гэта адбылося ў пачатку чэрвеня. А ў пачатку ліпеня дзяўчына падала дакументы на рэгістрацыю свайго выніку.
27-гадовая Сальвія працуе графічным дызайнерам у адной з гродзенскіх студый рэкламы. Тры разы на тыдзень дзяўчына стараецца наведваць трэнажорную залу. Два гады таму яна выступіла на сваіх першых спаборніцтвах.
У катэгорыі, у якой выступае гродзенка — 44 кг, у свеце наогул мала спартсменак. Сусветны рэкорд Сальвіі - 115 кг — быў пастаўлены ў пачатку чэрвеня 2018 года на чэмпіянаце Еўропы, які праходзіў у Гродне. У падобных спаборніцтвах дзяўчына выступала трэці раз.
«Працаваць у станавой цязе я пачынала з 70 кг і нават не думала, што калі-небудзь буду выступаць на спаборніцтвах, — распавядае Сальвія. — І вось праз чатыры гады ў мяне сусветны рэкорд. Вядома, крыху дзіўна выступаць адной у вагавай катэгорыі, але працаваць з вагой мне падабаецца. Што тычыцца рэкорду, то так атрымалася, што я яго паставіла: 115 кг я падняла з другой спробы, а з трэцяй спрабавала ўзяць і 117, але ўжо нармальна выпрастацца не змагла».
Дзяўчына адзначае, што сусветны рэкорд ёй нічога не дае, але ён служыць бонусам, які можна будзе яшчэ доўга ўспамніць.
«Апошнія спаборніцтвы былі мне ў радасць, я ведала куды ішла і навошта, — кажа Сальвія. — Асноўная задача была — атрымаць званне майстра спорту міжнароднага класу, я яго атрымала. А вось сусветны рэкорд стаў для мяне прыемным бонусам пра які я даведалася толькі праз некалькі дзён пасля спаборніцтваў».
Калі трэніроўкі будуць добра праходзіць у будучыні, то Сальвія плануе адправіцца на чэмпіянат свету па паўэрліфцінгу і палепшыць свае вынікі ў станавой цязе. Там у гродзенкі ўжо могуць з’явіцца канкурэнткі.
З 5 красавіка ў Гродне талоны на праезд у гарадскім грамадскім транспарце даражэюць на 10…
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…