У 2004−2017 гадах непрацуючы 52-гадовы мужчына падманам завалодваў грашыма і нерухомасцю грамадзян і арганізацый Гродна і Гродзенскага раёна. Так ён займеў больш чым 877 тыс. рублёў, а гэта лічыцца асабліва буйным памерам.
Пракуратура Гродзенскай вобласці накіравала справу ў абласны суд, дзе яго абвінавачваюць у шэрагу незаконных дзеянняў: незаконнай прадпрымальніцкай дзейнасці, махлярстве ў асабліва буйным памеры, прычыненні маёмаснай шкоды без прыкметаў крадзяжу і выкарыстанні заведама падробленых дакументаў.
— Абвінавачаны шукаў у горадзе і раёне будынкі, кватэры, незавершаныя будаўніцтвам закансерваваныя будынкі, зямельныя ўчасткі і набываў іх. Усе здзелкі заключаліся ад імя іншых асоб. Пасля правядзення розных рамонтна-будаўнічых работ набытыя альбо збудаваныя на зямельных участках аб’екты прадаваліся. Даход ад незаконнай прадпрымальніцкай дзейнасці перавысіў 1 375 000 рублёў, — кажа Пракуратура Гродзенскай вобласці.
Мужчыну абвінавачваюць па ч. 2 арт. 233, ч. 4 арт. 209, ч. 2 арт. 216 і ч. 1 арт. 380 Крымінальнага кодэкса. Зараз ён знаходзіцца пад вартай.
З 5 красавіка ў Гродне талоны на праезд у гарадскім грамадскім транспарце даражэюць на 10…
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…