Дадаць навіну
Чацвер, 19 ліпеня 2018, 10:10

«Нёман» правёў матч супраць гродзенцаў са слабым зрокам, якія рыхтуюцца да міжнароднага турніру

На стадыёне «Юнацтва» 10 ліпеня прайшоў матч паміж гродзенскай камандай гульцоў са слабым зрокам і майстроў ФК «Нёман», сярод якіх былі гульцы асноўнага складу, галоўны трэнер Ігар Кавалевіч і легенда мясцовага футбола Дзмітрый Кавалёнак.

Такое мерапрыемства было арганізавана ў рамках падрыхтоўкі да першага ў Еўропе турніру па інтуітыўнаму футболе Volkswagen Cup, які ўпершыню аб’яднае гульцоў са слабым зрокам і татальна сляпых спартсменаў з усёй Беларусі.

«Наша мэта паказаць, што людзі з інваліднасцю не сядзяць дома, а актыўна прымаюць удзел у спорце і пры гэтым паказваюць поспехі. У матчы з» Нёманам «гэта можна было ўбачыць», — распавяла каардынатар праекта «Інтуітыўны футбол» Вольга Седзюкевiч.

Матч у Гродне скончыўся з лікам 7:7.

Першы турнір у Еўропе па інтуітыўнаму футболе Volkswagen Cup пройдзе 4 і 5 жніўня ў Мінску. Каманда футбалістаў са слабым зрокам з Гродна таксама прыме ўдзел у ім і па ацэнцы экспертаў мае добрыя шанцы на перамогу.




Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: