Супрацоўнікамі аддзела па барацьбе з эканамічнай злачыннасцю быў затрыманы вялікагрузны аўтамабіль, што вёз у Гродзенскую вобласць 14 000 літраў спіртазмяшчальнай вадкасці. Паведамленне пра здарэнне з’явілася на сайце УУС Гродна 7 ліпеня.
У прычэпе знаходзілася 2800 пластыкавых ёмістасцяў, кожная з іх аб’ёмам 5 літраў. Уладальнік транспартнага сродку не меў на груз суправаджальных дакументаў.
Па папярэдніх падліках сума кантрафакту складае 280 000 беларускіх рублёў. Гэтая вадкасць канфіскавана, праводзіцца далейшая праверка. З пачатку года супрацоўнікамі АБЭЗ па Гродзенскай вобласці канфіскавана звыш 17,5 тон кантрафактнага алкаголю.