У гродзенскім дзіцячым садку № 65 адкрыта беларускамоўная група «Вясёлка»

«На базе нашага садка яна створана ў мінулым годзе з улікам пажаданняў бацькоў, — расказала загадчыца яслямі-садком № 65 Алена Прэцкайла. — Cёння яе наведваюць 22 дзіцяці ва ўзросце ад 2 гадоў», піша Гродзенская праўда.

Кожны дзень яны з задавальненнем прыходзяць у садок. Тут створаны ўсе ўмовы для насычанага і цікавага жыцця выхаванцаў.

Для знаёмства з беларускай культурай выхавацелі выкарыстоўваюць малыя фальклорныя формы — прымаўкі і прыказкі. З радасцю дзеці апранаюць нацыянальныя строі падчас гульнёвых заняткаў, развучваюць песні і вершы. На беларускай мове ў гэтай групе праходзілі ўсе ранішнікі. Дарэчы, для садка ўвогуле гэта не навінка. Святы з пазнакай «этна» тут звыклая практыка.

— Ігар, Палінка, Васіліса… — знаёміць нас з дзецьмі выхавацельніца Алеся Будзько, прыгожая беларуская гаворка якой прыемна лашчыць слых.

Яна скончыла факультэт беларускай філалогіі, дасканала ведае і размаўляе на роднай мове. А ў мінулым годзе прыйшла ў яслі-сад, каб дзяліцца ведамі з юнымі гарадзенцамі.

- З вялікім задавальненнем інсцэніруюць дзеці беларускамоўныя казкі. Прыемна, што і бацькі сталі ўдзельнікамі пастаноўкі, — дадае выхавацельніца.

У памяшканні групы сімвалічна «ляцяць» у вырай буслы, сцены ўпрыгожаны традыцыйным беларускім арнаментам, а ў куточку каля акна паволі калыхаецца люлька з лялькай у нацыянальным адзенні.

— Выхавальнік з’яўляецца не проста носьбітам беларускай мовы, ён правільна вызначае змест маўлення, ведае і разумее інтарэсы і ўяўленні дашкольнікаў і, безумоўна, у сваёй працы абапіраецца на тое, што дзецям цікава, з’яўляецца для іх значным, — адзначае загадчыца садка Алена Прэцкайла. — Толькі ў такім выпадку беларуская мова, кажучы словамі Якуба Коласа, ператворыцца ў «жывую стыхію дзіцячай гутаркі».


Дзіцячы садок № 65, дзе адкрыта беларускамоўная група, знаходзіцца ў Кастрычніцкім раёне Гродна. Існуюць падобныя групы і ў Ленінскім раёне. Не першы год прымаюць юных выхаванцаў у яслях-садку № 45. А ў яслях-садку № 54 гэты вопыт ужываецца ўжо больш за дзесяць гадоў. Адзін дзень тыдня нават у рускамоўных дашкольных установах вобласці для дзяцей пачынаецца з прывітання «Добрай раніцы» і ўключае адпаведныя заняткі. Аб станоўчым уплыве такой практыкі магу судзіць, як кажуць, знутры. З нейкай асаблівай інтанацыяй пяцігадовы сын пераказвае пасля такіх дзён лічылкі і вершы па-беларуску.


Японская еда пользуется широкой популярностью. Это вкусная, полезная еда, которую можно покупать с доставкой в офис или на дом. К тому же купить сушиможно с разными начинками и на любой вкус. Не отказывайте себе в удовольствии.


Падзяліцца

Апошнія запісы

У Гродне на «травеньскія» ў паўтара раза выраслі цэны на арэнду кватэры

Пасуткава арэнда кватэры на тры дні з 1 па 4 траўня ў Гродне можа абыйсціся…

9 красавіка 2025

Стогадовы дзіцячы сад у цэнтры Гродна пераробяць пад жылы дом. Стала вядома, як ён будзе выглядаць

Былыя яслі на Васілька, 5, дзе раней хацелі адкрыць сацыяльны цэнтр, перабудуюць пад шматкватэрны малапавярховы…

9 красавіка 2025

Пляжы ў Гродне абследуюць вадалазы. Месцы для купання прывядуць у парадак

Вадалазы абследуюць месцы для купання ў Гродне і ачысцяць іх ад смецця і старонніх прадметаў.…

9 красавіка 2025

У Гродне выдаткуюць $ 8000 на іміджавы ролік аб працы ЖКГ

ЖКГ Гродна хоча зняць відэаролік аб развіцці і сучаснай структуры працы сваіх прадпрыемстваў. Ён будзе…

9 красавіка 2025

У Гродне адкрылася крама «Власть кофе» з напоем кубінскіх каранёў

Крама “Власть кофе” абяцае шырокі асартымент абсмажанай кавы з розных куткоў свету - Лацінскай Амерыкі,…

8 красавіка 2025

У Гродне адкрыўся рэстаран «Бекон»: двухпавярховы і з адкрытай кухняй

У рэстаране “Бекон” будуць спалучаць амерыканскую і паназіяцкую кухню. Там будзе адкрытая кухня - можна…

8 красавіка 2025