«Помста аўтобуснага парка». Актывіста, які бараніў гродзенскіх кіроўцаў аўтобусаў, выклікаюць у міліцыю

Грамадскага актывіста з Гродна Анатоля Мышкевіча правяраюць у рамках крымінальнай справы. Раней яго ўжо апытвалі па адміністрацыйнай справе. Актывіст лічыць, што такім чынам яму спрабуе помсціць аўтобусны парк, піша praca-by.info.

Анатоль Мышкевіч дапамагаў бараніць свае правы кіроўцам аўтапарку, якія пісалі скаргу на цяжкія ўмовы і парушэнні ў працы, перадусім на вялікія перапрацоўкі. Кіроўцы звязвалі з гэтым інцыдэнт, калі іх калега ў час працоўнай змены скочыў з мосту ў Нёман. Кіраўніцтва аўтобуснага парку адразу ж пачало гасіць пратэстныя настроі ў калектыве.

У выніку, аднак, удалося адстаяць правы кіроўцаў у судзе. Або суд станавіў на бок кіроўцаў, або аўтобусны парк шоў насустрач па-за судом.

[irp posts="56 066″ name="Маці кіроўцы, які судзіцца з гродзенскім аўтапаркам, напісала на сына заяву ў міліцыю"]

Як кажа Мышкевіч, міліцыя дапытвала яго па факту заявы: імаверна, маці аднаго з супрацоўнікаў аўтапарка, якога бараніў актывіст, заявіла пра тое, што ён у адным з артыкулаў «напісаў пра яе няпраўду».

Анатоль Мышкевіч патлумачыў, адкуль у жанчыны да яго прэтэнзіі.

— Кіраўніцтва аўтапарка і гродзенскія чыноўнікі з самага пачатку справы гродзенскага аўтобуснага парка спрабавалі падмануць людзей. Пераконвалі работнікаў аўтапарка, што я спрабую зрабіць на іх сабе імя, каб стаць дэпутатам, казалі, што я мільёны зараблю на іх у гэтай справе. Гродзенскіх журналістаў, якія пісалі пра справу аўтапарка, спрабавалі пераканаць у тым, што ім давалі каментары не вадзіцелі, а падстаўныя асобы, якім я добра плачу «са сваіх мільёнаў». У выніку ўбачылі, хто з нас хлусіў: у дэпутаты я так і не балатаваўся, і не збіраўся гэтага рабіць, мільёнаў пакуль таксама не нажыў: чакаю, што кіраўніцтва аўтапарка раскажа, дзе іх забраць.

«Падстаўныя асобы», якім я «плаціў добрыя грошы са сваіх мільёнаў», усё-ткі апынуліся работнікамі аўтапарка і адсудзілі з нашай дапамогай у прадпрыемства кампенсацыі амаль па 3000 рублёў.

[irp posts="51 656″ name="Звольнены кіроўца, які слаў скаргі Лукашэнку, выйграў суд у аўтапарка"]

Анатоль Мышкевіч не спалоханы праверкай і, магчыма, распачатай крымінальнай справай:

— Аўтобусны парк ўсё-ткі знайшоў спосаб мне адпомсціць. Хай правяраюць. А я і далей буду дапамагаць людзям адстойваць свае правы.

---

Очень часто в интерьере помещения используются различные ткани. Они создают особую атмосферу и уют. Приобрести интерьерные ткани можно на сайте компании Duralee. Здесь www.tk-lanskoy.ru представлен широкий ассортимент тканей высокого качества.

---