У час пракладкі цеплатрасы на тэрыторыі Новага замка пад асфальтам знайшлі фрагмент выбрукаванай з камянёў старой дарогі. Пра яе аднаўленне сёння гаворкі не ідзе, бо знаходу зрабілі выпадкова ў час замены труб.
Усе земляныя работы на тэрыторыі Новага замка праводзяцца пад наглядам археолага з Акадэміі навук. Тая частка бруку, якую выявілі, была ў добрым стане. Археолаг Іван Спірын яе зачысціў і зафіксаваў.
Праз некалькі дзён працоўныя разабралі брукаванку з дапамогай трактара, а камяні склалі ў кучы, бо ў гэтым месцы трэба было пракладаць камунікацыі.
«Пад асфальтам на тэрыторыі Новага замка брук у добрым стане, — распавядае археолаг Іван Спірын. — Тую невялікую частку, якую разабралі, можна будзе ў будучыні аднавіць. Наогул, я ўбачыў у зямлі часткі двух розных брукаваных дарог. Тая, што на паверхні, як мяркуецца, 19−20 ст., а другая, якая глыбей, магчыма, з часоў будаўніцтва замка — сярэдзіны 18 стагоддзя».
Каля двух гадоў таму старшыня Гродзенскага аблвыканкама Уладзіміра Краўцоў прапаноўваў дырэктару гісторыка-археалагічнага музея Юрыю Кітурку заняцца аднаўленнем на тэрыторыі Новага замка старой брукаванкі. Тады, відаць, гэтай ідэі значэння не надалі, але сёння, калі выявілі брук, можна і задумацца аб планах на будучыню.
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…