Разам з будаўніцтвам чарговага дзіцячага дома сямейнага тыпу на вуліцы Валковіча, у чэрвені 2018 пад знос пайшлі адразу дзве старыя пабудовы. Адна з іх не мела каштоўнасці для гісторыі горада, а вось другая была дастаткова цікавай — у міжваенны час там была крама.
Такіх крам заставалася ў Гродне толькі дзве — на Валковіча і на Падольнай. Гродзенскія гісторыкі ў час экскурсій па Новым свеце паказвалі краму і расказвалі, што там прадавалі. Гэтай мініяцюрнай цаглянай крамцы «каланіяльных тавараў» сясцёр Талочка на было больш за сто гадоў.
«Цяпер засталася толькі былая крамка на Падольнай. Падчас экскурсій на Новы Свет я паказваў гэтую крамку як цікавы прыклад лакальнага „бізнеса“ гродзенцаў даваеннага часу. У такой крамцы ўласнікі як правіла прадавалі газу (керасін), запалкі, соль. У цяжкія часы тое маглі быць і хлебныя крамы».
