“Медалі раздаю ўнукам”. Удзельнік «Гарадзенскай вандроўкi» расказаў як бегае ў 80 гадоў

Самым узроставым удзельнікам «Гарадзенскай вандроўкi», якая прайшла 27 мая, стаў 80-гадовы атлет з Жодзіна Арнольд Слуцкер. Дзесяцікіламетровую дыстанцыю пенсіянер пераадолеў за 1 гадзіну 16 хвілін і палепшыў свой леташні вынік на 3 хвіліны.

Арнольд бегае з 1981 года, ён прадстаўляе жодзінскую каманду “БелАЗ” і за год выходзіць на 14 стартаў. Пенсіянер нават ездзіў на марафон у Маскву.

“Бегчы па вуліцах Гродна гэтым разам было лепш чым летась. Было трохі халодней і я палепшыў свой вынік амаль на 3 хвіліны, – распавядае Арнольд. – Самы складаны этап «Гарадзенскай вандроўкi» – на вуліцы Горкага, калі трэба бегчы пад горку. Прыемна было, што гродзенцы крычалі мне і падтрымлівалі”.

Па словах Арнольда, у Гродне вельмі добрая арганізацыя бегу: “Лепш гэтых спаборніцтваў я не бачыў, а бываў шмат дзе”.

Пакуль ногі носяць

Арнольд кажа, што будзе бегаць пакуль носяць ногі.

“Бегаю тры разы на тыдзень па 10 км і большых дыстанцыі браць не планую. Свой апошні марафон я прабег у 75 гадоў. Медалёў за ўвесь час сабралася шмат, але я іх раздаю ўнукам. Апошнім часам медалі выдаюць толькі за тое што дабег”.

"Медалі раздаю ўнукам". Удзельнік «Гарадзенскай вандроўкi» расказаў як бегае ў 80 гадоў
Арнольд Слуцкер падчас бегу ў Гродне

“БелАЗ” дапамагае

Арнольд сам наўрад ці пацягнуў бы паездкі на спаборніцтвы. У арганізацыі паездак яму і яго калегам дапамагае завод “БелАЗ”.

“У матэрыяльным плане цяжка ўсюды ездзіць, але спартсменаў завод “БелАЗ” падтрымлівае і час ад часу адпраўляе на спаборніцтвы. Напрыклад, у Гродна прыехала 7 чалавек і ў асноўным усе пенсіянеры”, – дадаў Арнольд.

"Медалі раздаю ўнукам". Удзельнік «Гарадзенскай вандроўкi» расказаў як бегае ў 80 гадоў

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Каментары

Spelling error report

The following text will be sent to our editors: