Горад

Брытанскі блогер-падарожнік наведаў бязвізавы Гродна і зняў цікавае відэа

Адзін з самых папулярных блогераў, якія спецыялізуюцца на Усходняй Еўропе, брытанец Конар Клайн наведаў бязвізавы Гродна. Гэта было сёлета ў красавіку. У маі на сваім канале на YouTube ён падзяліўся ролікам, у якім распавёў пра паездку.

Конар у мінулым адвакат, цяпер рэгулярна падарожнічае і здымае відэа. Брытанец наведаў каля 80 краін, уключаючы ўсе 50 еўрапейскіх.

«Зараз я спецыялізуюся на падарожжах ва Усходняй Еўропе з выкарыстаннем мясцовых моў, — распавядае Конар. — Мой канал — самы папулярны на YouTube сярод падарожнікаў гэтага рэгіёна. Я праводжу розныя сустрэчы, знаёмлюся з мясцовымі. Дарэчы, ведаю рускую мову, вучыў яе ў Адэсе. У мінулым годзе я зрабіў відэаролікі з Румыніі, Малдовы, Сербіі, Польшчы і Украіны. Сёлета наведаў Беларусь. У сакавіку быў Брэсце і Мінску, а ў красавіку прыязджаў у Гродна».

Каб прыехаць у Беларусь, брытанец скарыстаўся бязвізавым рэжымам. Пра гэта ён і распавядае ў сваім відэа. А яго ролікі глядзяць па ўсім свеце.

«Я хацеў паехаць у Гродна, бо ведаў, што гэта добры горад і знаходзіцца недалёка ад Варшавы. Я быў у Варшаве і вырашыў скарыстацца момантам — сеў на цягнік і прыехаў у Беласток, а на наступны дзень адправіўся праз мяжу ў беларускі горад, — кажа Конар.

За 5 дзён ў Гродне брытанец пабываў у сяброўкі, а таксама наведаў розныя кафэ, рэстараны і начныя клубы.

«У Гродна мне спадабалася, гэта зручны горад, дзе можна адпачыць на працягу некалькіх дзён. Я бачыўся з сяброўкай і яна зрабіла для мяне дранікі. Гэта было смачна. Таксама некалькі разоў выходзіў на шпацыр у цэнтр горада. Быў у рэстаране Kronon, што месціцца ў лесе. У позні час сутак я атрымліваў асалоду ад начнога жыцця горада, быў у Houdini і ў клубе БАЗА» , — распавёў падарожнік.

Брытанец сказаў, што яшчэ вернецца ў Гродна, вось толькі калі - яшчэ не ведае. Плануе ў наступны раз паехаць на Аўгустоўскі канал.

Падзяліцца

Апошнія запісы

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025