Фестываль нацыянальных культур, які пройдзе ў Гродне 1−3 чэрвеня, збярэ прадстаўнікоў 35 нацыянальнасцей. Упершыню ў ім паўдзельнічаюць тамілы — народ з Індыі, кітайцы і кубінцы, якія прадставяць культуру Лацінскай Амерыкі.
Прыедуць у Гродне і тыя, хто даўно не прымаў удзел у свяце. Напрыклад, латышы, баўгары, мардвіны. У цэнтры Гродна размесцяцца 19 падворкаў, два з якіх будуць шматнацыянальнымі, названыя сімвалічна «Захад» і «Усход».
Пачнецца фестываль традыцыйным шэсцем удзельнікаў увечары 1 чэрвеня ад плошчы Леніна да плошчы Савецкай, дзе адбудзецца цырымонія адкрыцця, піша БЕЛТА.
Адным з новаўвядзенняў фестывалю стане беларускі падворак, які размесціцца на плошчы Леніна. Яго гасцям прапануюць паўдзельнічаць у флэшмобе і абняць Беларусь: вакол плошчы Леніна выбудуецца вялікі міжнацыянальны карагод.
[irp posts="59 011″ name="Глядзіце, якой будзе праграма Фестывалю Нацыянальных культур"]
Галоўнай сцэны сёлета на фестывалі не будзе. Міжнацыянальная сцэна размесціцца на плошчы Савецкай, беларуская — на плошчы Леніна. У начную праграму ўключылі паказ кінафільмаў на мове арыгіналу з субтытрамі, а таксама 3D-mapping шоў на тэму фестывалю, якое будзе праводзіцца ў двары Новага замка кожныя 15 хвілін.
Хэдлайнерам фестывалю будзе папулярны расійскі гурт БандЭрас. Канцэрт пачнецца 2 чэрвеня ў 23:00.
Трэці святочны дзень вырашылі правесці на Аўгустоўскім канале. Там запланавана тэатралізаванае шэсце, праца падворкаў з дэгустацыяй страў нацыянальнай кухні, пляцовак нацыянальных гульняў.
Фестываль нацыянальных культур ўпершыню прайшоў у Беларусі ў 1996 годзе і праводзіцца кожныя два гады. Ён стартуе ў раёнах, праходзяць абласныя конкурсы, сталіцай свята па традыцыі з’яўляецца Гродна.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…