«Сакавіцкі кот» у Race Of Dreamers заспяваў па-беларуску

Напрыканцы красавіка гродзенскі музычны гурт Race Of Dreamers (Раса Мечтателей) прэзентаваў новы сінгл «сакавіцкі кот». Цікавосткаю праекта стаў жывы сумесны адначасовы запіс інструментаў, на які пазней былі накладзеныя вакал, флейты і іншыя музычныя фарбы. Запіс і гукарэжысуру сінгла гродзенцы зрабілі самастойна, ва ўласнай прыватнай студыі.

«Усё пачалося некалькі год таму у нетрах менскага андэграўнда. Мы са Зміцерам Брытанавым рэпетыравалі з мясцовымі музыкамі у пошуках арыгінальнага гучання. Песня „Сакавіцкі кот“ была напісана па-руску на вершы Нікіты Васільева. Зараз мы перагледзелі аранжыроўку і пераклалі тэкст. У выніку атрымалася яскравая пазітыўная песня, якую прыемна спяваць і, спадзяюся, слухаць», — кажа кампазітарка і салістка гурта Дар’я Багаслова.

Тое, што абноўлены «Сакавіцкі кот» пабачыў свет практычна ў маі, зусім не праблема, мяркуюць музыкі. Яго вобраз «адвечна жывы» і заўжды гукае вясну незалежна ад пары году.

soundcloud.com/race-of-dreamers/sakavtsk-kot-march-cat

Да слова, гэта ўжо другая жартоўная песня гурта на «звярыную» тэму. У рэпертуары музыкаў ўжо ёсць песня пра французкага бульдога «Пламенная самка».

У запісе сінгла бралі ўдзел:

Дар’я Багаслова — кампазіцыя, тэкст, вакал, клавішы, флейта, аранжыроўка

Зміцер Брытанаў - гітара, запіс і гукарэжысура

Васіль Лінцэр — бас-гітара
Максім Назарук — бубны


Race Of Dreamers (Раса Мечтателей) — інтэрнацыянальны праект, у складзе якога граюць музыкі з Мінска, Гродна, Масквы. Гурт выконвае выключна аўтарскую музыку для слухачоў з вытанчаным густам, спявае на беларускай і рускай мовах.

Улюбёныя стылістычныя напрамкі - Jazz Fusion, Ethno, Lounge, Art & Prog Rock. У актыве Race Of Dreamers (Расы Мечтателей) два студыйных альбомы імправізацыйнай музыкі, некалькі відэакліпаў і сінглаў. Зараз гурт працуе над запісам трэцяга песеннага беларускамоўнага альбому.

Падзяліцца

Апошнія запісы

На Ласасянцы з’явяцца масткі і пляж. Там будзе парк адпачынку на Фолюшы

У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…

29 красавіка 2025

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025