Другі паўфінальны матч Кубка Беларусі паміж «Нёманам» і БАТЭ, які праходзіў у Гродне 2 мая, завяршыўся безгалявой нічыёй. Такім чынам, па суме двух матчаў барысаўская каманда праходзіць «Нёман» і ў фінале розыгрышу сустрэнецца з брэсцкім «Дынама».
Як у першым (2:0), так і ў другім матчы паўфіналу «Нёман» адчуваў сур’ёзныя цяжкасці са складам, асабліва ў цэнтральнай частцы. Нягледзячы на гэта, Ігар Кавалевіч знайшоў гульцоў і даў бой чэмпіёну краіны.
Гродзенцы пачалі актыўна і на першых хвілінах мелі нядрэнныя моманты для ўзяцця варот, але вось ўдары ў Лукашэвіча і Квашука аказаліся трохі недакладнымі.
Бліжэй да сярэдзіны тайма госці завалодалі ініцыятывай і сталі ствараць моманты ля варот гаспадароў. Ім таксама не ўдалося адзначыцца. Так, з нулямі на табло, каманды дагулялі першы тайм.
У другой палове матчу гульня практычна не змянілася — БАТЭ працягваў валодаць ініцыятывай, а гродзенцы ўсёй камандай абараняліся і час ад часу выбягалі да варот суперніка. Варта адзначыць, што ў другім тайме актыўнасці на поле дадалі Мукам у «Нёмана» і Глеб у БАТЭ. Але нават гэтыя гульцы не дапамаглі сваім камандам забіць гол. У выніку матч скончыўся безгалявой нічыёй.
Ігар Кавалевіч пасля матчу:
«Пасля 0−2 мы павінны былі сустрэцца з чэмпіёнам краіны — на дадзены момант самай моцнай камандай. Нам трэба было не прапусціць, і мы спрабавалі забіць. Моманты былі для гэтага. Улічваючы нашы кадравыя праблемы, стратэгічны план на гульню мы вытрымалі. Згулялі адзін з лепшых матчаў у сезоне. Шкада, што не атрымалася забіць. Нейкія прэтэнзіі прад’явіць сваёй камандзе я не магу. Віншую БАТЭ з заслужаным выхадам у фінал і жадаю там барысаўчанам ўдачы».
У фінале Кубка Беларусі БАТЭ сустрэнецца з «Дынама-Брэстам», які ў ½ прайшоў магілёўскі «Днепр».
"Пяльменная 1961" пачала працу на Савецкай, 23 у суботу, 22 лютага. Установа адкрылася на тым…
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…