Сёлета пераможцам музычнай прэміі TuzinFM «Героі году» ў намінацыі «Адкрыццё году» стаў электронны праект Mikita з песняй «Да цябе». Кіраўнік і выканаўца праекта — гродзенец Мікіта Ігнаценка. Раней ён працаваў з гуптамі «STAY» і «Triangle Sun». Сольны праект пачаўся летась з песні «Лёс». Словы да песняў праекта пішуцца па-беларуску.

[irp posts="563″ name="Новы сінгл МІКІТА заспяваў па-беларуску. Гэта «Лёс""]

Трэк «Да цябе» на TuzinFM вызначаюць як «цёплы беларускі трапікал гаўс». Ён быў створаны зімой 2018. У анатацыі музыкі прысвячаюць песню «ўсім, хто стаміўся ад бясконцага холаду» і заклікаюць «адчуць вясну разам з намі і насуперак усяму».

«Гэты спеў пра пачуццё. Пра каханне і цеплыню душы. Яны лунаюць у паветры і саграюць усё наўкол. А таксама пра тое, што жыццё змяняецца, калі ў тваё жыццё прыходзіць вясна і ты ўрэшце чуеш гукі ўласнага сэрца», — казаў з нагоды прэзэнтацыі трэка на TuzinFM Мікіта Ігнаценка.

Песня «Да цябе» возьме ўдзел у першым туры аўдыёчарту ў сэзоне 2018/2019, які распачнецца ўвосень.

Паслухаць і набыць трэк можна на лічбавых пляцоўках Apple Music, iTunes, Google Play, Яндекс.Музыка. Навіны праекту абнаўляюцца ў афіцыйнай суполцы.

Гродзенец стаў «Адкрыццём году» на TuzinFM