«Тыдзень перасялення» у Гродне скончыўся. Перасяляцца ніхто не захацеў

У Гродне прайшоў «Тыдзень перасялення». Беспрацоўным прапаноўвалі працу і жыллё ў іншых гарадах і ў вёсках. Але ахвотных не знайшлося.

Дзяржава аказвае добраахвотным перасяленцам грашовую дапамогу — 1400 рублёў, калі хтосьці пераедзе ў іншы горад, і 1800 рублёў - калі ў сельскую мясцовасць. Грошы вяртаць не трэба. Адзіная ўмова: на новым месцы трэба адпрацаваць не менш за год, піша NAVINY.BY.

Дарэчы, беспрацоўныя з іншых месцаў, наадварот, могуць перабрацца ў Гродна, калі знойдуць вакансію, якая забяспечваецца жыллём. Адзін іншагародні беспрацоўны магчымасць выкарыстаў: атрымаў у аўтобусным парку працу і інтэрнат.

У 2016−2017 гадах па тры сям'і кожны год пакідалі Гродна, знайшоўшы працу з жыллём у іншым месцы. У гэтым годзе такіх выпадкаў пакуль не было.

У інтэрнэце існуе агульнарэспубліканскі банк вакансій. Попыт і прапановы нярэдка разыходзяцца. Перш за ўсё патрабуюцца лекары, кіроўцы, медсёстры, прадаўцы, кухары. А шукаюць часцей месца падсобнага рабочага, эканаміста, бухгалтара, грузчыка, інжынера.

«Тыдзень перасялення» праводзіцца раз у месяц. У гэты раз за дзень прыходзіла па восем-дзесяць чалавек, хто цікавіўся перспектывамі атрымаць працу ў іншым месцы.

Напрыклад, адзін з наведвальнікаў прызнаўся, што ў яго ідзе шлюбаразводны працэс, таму ён зацікавіўся магчымасцю перасялення. Перш за ўсё такі варыянт можа падыходзіць тым, хто не мае жылля.

Па афіцыйных дадзеных на пачатак красавіка, у Гродна на ўліку стаіць больш за тысячу беспрацоўных, сярод іх больш за 70% - мужчыны.

Падзяліцца

Апошнія запісы

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025