У суботу 2 красавіка на прагляд у гродзенскі «Нёман» прыехаў 21-гадовы бразільскі нападнiк Жааў Віктар Брандаа Фігейрэда.
Як паведамляе прэс-служба «Нёмана», бразілец з 9 да 16 гадоў займаўся ў юнацкіх камандах «Сан-Паўла», а ў 16 гадоў атрымаў запрашэнне выступаць за «Атлетыка Мiнейра». З 2012 выступаў у юнацкіх камандах клуба (U16, U17, U20), пасля чаго ў 2016 годзе пачаў трэніравацца з асноўным складам і гуляць за дубль на пазіцыі левага нападніка і цэнтрфорварда. З-за велізарнай канкурэнцыі - у гэты перыяд у клубе выступалі Раналдзіньё, Фрэд, Рабіньа і іншыя футбалісты, у асноўным складзе згуляў ўсяго 5 матчаў у бразільскай Серыі А.
У 2016 годзе ў складзе U20 «Атлетыка Мiнейра» нападнiк гуляў на прадстаўнічым турніры ў Тэрборге (Нідэрланды), дзе разам з камандай стаў пераможцам спаборніцтваў. Правёў 5 матчаў і забіў 4 галы, у тым ліку «Фейенорду», калумбійскаму «Атлетыка Насьональ», «Графсшаапу» і «Вольфсбургу» у фінале. У складзе асноўнай каманды прыняў удзел у турніры «Florida CUP-2017». Адыграў два матчы супраць «Тампа Бей» і леверкузенскага «Байера». У 2017 годзе правёў адну трэніроўку са зборнай Бразіліі ў якасці маладога запрошанага футбаліста.
У 2017 годзе гулец не пагадзіўся з пераглядам кантрактных умоў і быў аддадзены ў арэнду ў «Дэмакрату» (штат Мінас-Жерайс, Д2). Пасля заканчэння кантракту з «Атлетыка Мiнейра», з’ехаў у «Портiмоненсе» (Партугалія, Д1), аднак вакансія легіянера ў клубе не вызвалілася і яму давялося вярнуцца ў лютым 2018 года ў Бразілію.
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…