Людзі і справы

Маці цымбалісткі, якая паправіла Максіма Галкіна ў эфіры: «Насця займае першыя месцы па беларускай мове»

11-гадовая дзяўчынка Насця Ванеева са Смаргоні паправіла вядучага Максіма Галкіна ў эфіры расійскага забаўляльнага шоў «Лучше всех». Яе маці рассказала, чаму дачка так зрабіла.

Запіс праграмы адбываўся 19 сакавіка ў Маскве. Гледачы ўбачылі яе ў нядзелю, 1 красавіка. Відэа апублікавалі многія беларускія медыя.

Калі Галкін сказаў, што дзяўчынка прыехала з «Беларусіі», яна імгненна яго паправіла «з Беларусі». Вядучы паспрабаваў пажартаваць: «У вас кажуць з Беларусі, а ў нас — з Беларусіі». «А правільна — з Беларусі», — не разгубілася Насця.

На пытанне, чаму Насця так адрэагавала на словы Галкіна, мама артысткі Юлія Саладкевіч рассказала:

— Бо мы жывем у Беларусі, і Насця гэта ведае ад бацькоў. Яна любіць сваю краіну, любіць беларускую мову. У гэты момант мы адчувалі за яе гонар. Пасля запісу ніхто завагаў не рабіў. А навошта? Ці ж яна кепска сябе паводзіла?

youtu.be/Y_G15VzlH0I

На шоў Насцю запрасілі арганізатары, убачыўшы ў сеціве відэа, дзе яна грае на цымбалах.

Цікава, што падобная сітуацыя выйшла на ўкраінскім шоў «Круче всех», у якім Насця таксама прымала ўдзел. Але тады маленькая артыстка паспела паправіць вядучых падчас рэпетыцый. У эфіры яны ўжо вымаўлялі назву краіны правільна.

Насця перыядычна размаўляе па-беларуску дома, з бабуляй. Удзельнічае ў алімпіядах па беларускай мове ў сваёй школе і заўсёды займае першыя месцы.

Дзяўчынка вучыцца граць на цымбалах пяць год, удзельнічае ў музычных абласных і рэспубліканскіх конкурсах, займае прызавыя месцы, удзельнічала ў беларускім конкурсе «Талент краіны», але звязваць жыццё з музыкай не плануе. Ходзіць у шосты клас школы № 7 Смаргоні.

Падзяліцца
Меткі: дзеці

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025