Каб атрымаць крэдыты, дырэктар гродзенскай фірмы падаў у банк фіктыўныя дакументы, завысіўшы рэальныя прыбыткі ў 10−100 разоў. Закладзенае ж банку абсталяванне прадпрымальнік вывез за мяжу.
46-гадовы дырэктар гродзенскай фірмы па вытворчасці пластыкавых вокнаў вырашыў пашырыць свой бізнес, атрымаўшы два крэдыты па 30 тыс. еўра па фіктыўных дакументах аб фінансавым становішчы сваёй фірмы. Каб сума крэдытаў была большай, ён прадстаўляў у банк дакументы аб прыбытку, завышаным у 10−100 разоў.
Вяртаць банку грошы камерсант не збіраўся. Пра гэта сведчыць тое, што ён вывез за межы Беларусі абсталяванне, якое знаходзілася ў закладзе ў банка. Сума даўгоў перад банкам зараз перавышае 30 тыс. еўра, паведамляе УДФР па Гродзенскай вобласці.
У дачыненні да дырэктара распачалі крымінальныя справы за выманьваньне крэдыту або субсідыі.
