Месцам святкавання стогадовага юбілею абвяшчэння БНР у Гродне стаў Каложскі парк. Але аказалася, што ён не прыстасаваны да масавых мерапрыемстваў. І калі пытанні з прыборкай тэрыторыі і прыбіральнямі можна вырашыць, то праблема з электрычнасцю застаецца.
— Гэта праблема, якая прынцыпова не можа быць вырашана. Гарсвятло і электрасеткі кажуць, што падключыцца да электрычнасці немагчыма, — кажа Зміцер Бандарчук з аргкамітэту. — Таму застаецца адзіны варыянт — зрабіць свята з дапамогай генератараў, акумулятараў і іншага тэхнічнага абсталявання.
Каб гэты варыянт быў рэальны, патрэбна дастаткова шмат грошай. Таму аргкамітэт яшчэ раз звяртаецца да гродзенцаў з просьбай дапамагчы грашыма.
Калі не знойдуцца грошы на генератары з вялікай магутнасцю, давядзецца адмяніць гурты, якія «пацягнуць» максімальную магутнасць. Тыя ж металісты «Trollward» могуць не прыехаць. Змяніць месца святкаваня немагчыма, бо яно прынята гарвыканкамам на сходзе. Наступны сход запланаваны толькі на 23 сакавіка.
Ад колькасці сабраных грошай залежць таксама і сцэна. Сцэна на свята каштуе ад 400 да 900 долараў. Яе кошт залежыць ад памераў і колькасці выступоўцаў, якія адначасова будуць на ёй знаходзіцца.
[irp posts="53 643″ name=""Разбітае Сэрца Пацана" можа выступіць на 100-годдзі БНР у Гродне і іншая важная інфармацыя пра канцэрт 25 сакавіка"]
Сабрана каля 1300 рублёў з патрэбных 8000. Для ахвярадаўцаў існуюць бонусы: падзяка са сцэны, магчымасць прарэкламаваць сябе ці сваю прадукцыю праз ролап каля сцэны. «Мы адкрыты да такіх прапановаў і з задавальненнем зрабілі б гэта. Таму прапануем мясцоваму бізнесу паўдзельнічаць у арганізацыі свята», — кажа Вадзім Саранчукоў.
Канчатковы спіс гуртоў будзе вядомы ў панязелак. Пакуль пацвердзілі ўдзел гурт «Гаротніца», «HandMade» і «Helious». Вядуцца перамовы з некалькімі хэдлайнерамі, якія ўзначаляць гэты спіс. Вядоўцам свята можа стаць вядомы гродзенец, які арыентуецца ў тэматыцы свята, але яго імя пакуль не разгалошваецца.
— Па арганізацыі існуюць пэўныя тэхнічныя праблемы, але яны вырашальныя. Падчас арганізацыі з’яўляюцца такія моманты, пра якія раней ніхто падумаць не мог. У будучым пры падачы заяўкі на правядзенне мерапрыемстваў трэба сыходзіць з таго, што гэтыя месцы павінны быць мінімальна абсталяваныя і падрыхтаваныя для гэтага, — кажа Вадзім Саранчукоў.
[irp posts="53 589″ name="Фотафакт: як «выглядала» футбольная каманда айцоў БНР"]
Як кажа Зміцер Бандарчук, у гарвыканкаме паабяцалі заняцца гэтай праблемай і зрабіць Каложскі парк прыдатным да масавых мерапрыемстваў.
Нагадваем, ахвяраваць на правядзенне свята можна ў краме «Цудоўня» (https://vk.com/cudounia, https://www.facebook.com/Cudounia), альбо пазваніўшы на нумары +375 296 540 534 (Вадзім), ці +375 295 852 585 (Дзмітрый). А таксама на «Талацэ».
Міліцыя Гродна шукае пастаўшчыка абедаў у ізалятар часовага ўтрымання Кастрычніцкага РУУС. З 2011 года ежу…
Гродзенец Павел Юшкевіч, які жыве ў Торуні, атрымаў польскае грамадзянства па рашэнні Куяўска-Паморскага ваяводы. Раней…
Штогод у Гродзенскай вобласці выяўляюць больш за 6 тысяч анкалагічных захворванняў. Па стане на 2025…
Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…