Святочны мітынг на Дзень Волі, 2017 год, Каложскі парк
Аргкамітэт свята распачаў збор сродкаў на мітынг і канцэрт. Усяго арганізатарам святкавання 100 гадавіны абвяшчэння БНР трэба сабраць 8270 рублёў.
Аргкамітэт даслаў у рэдакцыю Hrodna.life такую інфармацыю:
У нядзелю 25 сакавіка ўся Беларусь будзе адзначаць 100-годдзе аднаўлення Незалежнасці нашай дзяржавы, ганаровы чын, які здзейсніўся прыняццём ІІІ Устаўной граматы Урадам БНР у 1918 годзе. Мы лічым гэтую дату падзеяй нацыянальнага маштабу, якая абавязкова мае быць ушанаваная і ў Гродна, горадзе, непасрэдна звязаным з дзейнасцю Урада БНР у 1918−1920 гадах.
Свята Незалежнасці, прымеркаванае да 100-годдзя БНР, першай беларускай рэспублікі, пройдзе ў Гродне 25 сакавіка з 14.00 да 17.00 у Каложскім парку. У праграме — выступы музычных гуртоў, святочныя віншаванні гасцей і арганізатараў, прамовы гісторыкаў, тэматычная фотазона і сімволіка, фудкорт (кава і гарбата), сувеніры і атрыбутыка.
Мерапрыемства афіцыйна ўзгоднена з гарадскімі ўладамі.
Для таго, каб наша свята атрымалася, а арганізатары змаглі забяспечыць дарожныя выдаткі і ганарары музыкам, тэхнічную падтрымку, аплаціць паслугі абавязковых на вулічных мерапрыемствах гарадскіх службаў, мы вельмі разлічваем на Вашу дапамогу! На дадзены момант мы маем сабраць 8270 рублёў.
Ахвяраваць можна асабіста ў памяшканні крамы Цудоўня, па адрасу Кірава, 3. Можна папярэдне пазваніць на нумары +375 296 540 534 Вадзім, ці +375 295 852 585 Дзмітый — арганізатары распавядуць пра найбольш зручную для вас магчымасць далучыцца да арганізацыі свята.
Арганізатары таксама распачынаюць традыцыйны беларускі механізм, для выканання супольных справаў - Талаку! Далучыцца да арганізацыі свята можна ахвяраваўшы зручную для Вас суму праз гэту спасылку.
Арганізатары запрашаюць гасцей браць з сабой зарэгістраваную і тэматычную сімволіку (нацыянальныя сцягі, выявы Пагоні, арнаментаваныя стужкі і вышыванкі), сяброў, калегаў, любімых дзяўчат і хлопцаў ды святочны вясновы настрой!
Давайце разам зробім наша свята!
Сустрэнемся 25-га ў парку ля старадаўняй Каложы!
Жыве Беларусь!
Стандартная тележка тельфера — это достаточно известная и востребованная марка грузоподъемного оборудования. Несмотря на то, что грузоподъемная техника достаточно прочная, она также может ломаться. Блок-шестерня для тельфера-это шестерня, которая состоит из двух шестерен. Приобрести ее можно на сайте unitreid.ru/?page. Широкий выбор, высокое качество.
На пляцоўцы «Куфар» з'явілася аб'ява аб продажы гродзенскай кавярні «Чашки&ложки». Установа ўжо чатыры гады працуе…
Аб'явы аб здачы памяшканняў у арэнду з'явіліся ў Instagram-акаўнце royal.grodno і на “Куфары”. У аб'явах…
Гродзенскія пункты выдачы заказаў Wildberries і Ozon аказаліся перапоўнены падарункамі для жывёл. Гэта вынік Таемнага…
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…