Дадаць навіну
Панядзелак, 24 верасня 2018, 00:59

«Вірус завезлі з нейкай еўрапейскай краіны»: у Ваўкавыску на адзёр захварэлі ўжо 20 чалавек

У Ваўкавыску зарэгістравалі ўжо 20 выпадкаў адзёру. Такі падтып віруса раней у Беларусі не цыркуляваў. Ён сустракаецца ў краінах Еўропы, у тым ліку Украіне. Таму мяркуюць, што вірус завезлі з нейкай еўрапейскай краіны.

«На сёння ў Ваўкавыску пацверджана 20 выпадкаў захворвання на адзёр. За людзьмі, якія былі ў кантакце з хворымі, вядзецца медыцынскае назіранне. Гэта дазваляе своечасова выявіць захворванне і пачаць лячэнне пацыентаў. Сярод кантактных жыхароў новых выпадкаў адзёру не выяўлена «, — распавяла БЕЛТА Іна Карабан, намеснік начальніка аддзела гігіены, эпідэміялогіі і прафілактыкі Міністэрства аховы здароўя.

Захворванне ў большасці выпадкаў выявілі ў тых, хто не быў прышчэплены. У дачыненні да некаторых пацыентаў ўдакладняюць іх прышчэпачны статус: вывучаюць ўсю медыцынскаю дакументацыю.

Чытайце яшчэ:  У пяці чалавек у Ваўкавыску пацвердзілі адзёр. Дзе даведацца, ці ёсць у вас прышчэпка?
Генатып віруса не ўплывае на цяжар захворвання, яно працякае ва ўсіх пацыентаў практычна аднолькава. Калі ў чалавека імунітэт паніжаны, ён будзе пераносіць хваробу ў больш цяжкай форме.

Прадстаўнік Міністэрства аховы здароўя звярнула ўвагу, што ніколі не варта ставіць пад сумнеў эфект вакцынацыі - гэта адзіны навукова даказаны спосаб прафілактыкі захворвання. Прышчэпку варта зрабіць у першую чаргу тым, хто часта выязджае за мяжу. Захварэць могуць і вакцынаваныя людзі, але ў адзінкавых выпадках, калі імунны адказ на вакцыну не спрацаваў.

У Ваўкавыску адкрылі дадатковы прышчэпачны пункт, які працуе з 8.00 да 20.00.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: