З раніцы 27 лютага валанцёры Чырвонага Крыжа разгарнулі каля гродзенскага аўтавакзала пункт абагрэву. Кожны можа пагрэцца ў намёце, а пры неабходнасці атрымаць першую дапамогу. Таксама валанцёры раздаюць гараджанам гарачы чай і супы хуткага прыгатавання.
Працаваць пункт абагрэву будзе да канца працоўнага дня. У асноўным па дапамогу пакуль што звяртаюцца людзі без пэўнага месца жыхарства і пенсіянеры.
Учора, 26 лютага, валанцёры Чырвонага крыжа арганізавалі пункт абагрэву для кіроўцаў-дальнабойшчыкаў у раёне “Прывалкі”.
У сувязі з халодным надвор’ем працягвае працу валанцёрскі канал “Автопомощь Гродно//Красный Крест”. Ён створаны ў мінулым годзе ў папулярным у кіроўцаў дадатку “Zello”. Пры патрэбе валанцёры выязджаюць і дапамагаюць кіроўцам.
