За два туры да плэй-оф гродзенскія хакеісты здолелі забяспечыць сабе першае месца ў рэгулярным чэмпіянаце Беларусі. Важную перамогу падапечныя Сяргея Пушкова атрымалі ў сераду 21 лютага ў Гомелі над мясцовай камандай з лікам 5:3.
Традыцыйна матчы «Нёмана» і «Гомеля» праходзяць у сур’ёзнай барацьбе і гэты раз не выключэнне. Каманды на лядовай пляцоўцы паказалі хуткі і выніковы хакей, які падабаецца заўзятарам.
«Гомель» — «Нёман» 3:5 (0:1, 3:3, 0:1)
галы:
06.51 0:1 — Ляўша (Кіслы, Рэмезаў)
22:52 0:2 — Рэмезаў (Бадун)
25.35 1:2 — Сырей (Несцераў, Равенка, — бол.)
27/01 2:2 — Зайчык (Брахманіс)
28.02 2:3 — Рэмезаў (Кіслы)
31.29 3:3 — Коласаў (Ягораў, Сырей)
32.12 3:4 — Жыдкіх (Баярчук, Стэфановіч)
43.20 3:5 — Жыдкіх (Сцяпанаў, Коршунаў, — бол.)
Сяргей Пушкоў пасля матчу:
— Думаю, што лік 5:3 гледачам павінен быў спадабаецца, гульня атрымалася добрая, хуткая, шмат момантаў, што адна, што іншая каманда стваралі. Галы забіваліся добрыя. З пункту гледжання выніковасці матч атрымаўся вельмі добрым. Думаю, што мы вельмі добра правялі першы перыяд, але пасля другога гола, які мы забілі пайшла крыху расслабленая гульня ў абароне, супернік дадаў, стаў ствараць моманты. І гульня пайшла, то наперад, то назад. Таму і атрымалі столькі не вельмі добрых галоў з пункту гледжання гульні ў абароне. Ну, а так вынікам задаволены, тым, што ў трэцім перыядзе хлопцы адыгралі больш дысцыплінаваней, і задаволены, што давялі матч да перамогі. Перамога добрая.
За два туры да плэй-оф «Нёман» мае 96 ачкоў і першае месца. У мінскага «Юнацтва» і салігорскага «Шахцёра» па 85 ачкоў. Варта адзначыць, што першае месца ў чэмпіянаце дае «Нёману» магчымасць удзельнічаць у Кантынентальным кубку.
Свой наступны матч «Нёман» правядзе ў Салігорску 24 лютага, у якім сустрэнецца з «Шахцёрам». А апошні матч рэгулярнага чэмпіянату каманда Сяргея Пушкова правядзе дома і будзе прымаць 26 лютага мінскае «Юнацтва».
