У чацвер 15 лютага на вуліцы Курчатава каля помніка воінам-інтэрнацыяналістам прайшоў мітынг-рэквіем прысвечаны 29-й гадавіне вываду савецкіх войск з Афганістана. На памятнае мерапрыемства сабралася некалькі соцень чалавек: ветараны, адміністрацыя горада, школьнікі, прадстаўнікі сілавых структур і іншыя.
Вайна ў Афганістане забрала жыццё 71 ураджэнца Гродзенскай вобласці, 23 з якіх былi жыхары абласнога цэнтра. Загінулымі апынуліся ў асноўным маладыя 20-гадовыя хлопцы. Сёння ў Гродне пражываюць каля тысячы ветэранаў афганскай вайны.
