Кітайскія рэцэпты. Якія хваробы будуць лячыць у цэнтры традыцыйнай кітайскай медыцыны на Даватара?

У цэнтры традыцыйнай кітайскай медыцыны на Даватара ўжо ўсё гатова да таго, каб прымаць гродзенцаў. Гэта адзіны такі цэнтр у нашай краіне. За тысячы кіламетраў у Гродна прыляцелі лекары з бальніцы кітайскай традыцыйнай медыцыны, каб лячыць метадамі, якія практыкуюць на Усходзе стагоддзямі, піша “Гродзенская праўда“.

Ліцэнзія Міністэрства аховы здароўя Рэспублікі Беларусь дае права аказваць у цэнтры паслугі іголкатэрапіі, прыпякання, лячэння банкамі і кітайскага масажа. Цэнтр з’явіўся як вынік супрацоўніцтва Гродна і кітайскай правінцыі Ганьсу.

Для кожнага з метадаў уладкаваны асобны кабінет. Чвэрць стагоддзя дырэктар цэнтра Сяо Хун практыкуе традыцыйную кітайскую медыцыну і ведае на памяць усе кропкі акупунктуры чалавечага арганізма. Аказваецца, іх больш за шэсцьсот. Шырока вядомыя метады традыцыйнай кітайскай медыцыны заключаюцца ў лячэбным уздзеянні на гэтыя кропкі.

Кітайскія рэцэпты. Якія хваробы будуць лячыць у цэнтры традыцыйнай кітайскай медыцыны на Даватара?

– Пасля сур’ёзнай траўмы жанчына перанесла чатыры аперацыі, але так і не змагла хадзіць. Сеансы іголкатэрапіі дапамаглі ёй ўстаць з інваліднага крэсла і пачаць новае жыццё, – Сяо Хун паказвае на тэлефоне кадры, на якіх адна з яе кітайскіх пацыентак робіць першыя крокі, хоць не стаяла на нагах некалькі гадоў.

Акрамя іголкатэрапіі, гродзенцы змогуць паспрабаваць на сабе лячэбныя ўласцівасці прыпякання. Гэтыя працэдуры звычайна праводзяцца ў комплексе. Такі «дуэт» здольны супрацьстаяць хваробам нервовай і крывяноснай сістэм, апорна-рухальнага апарата, а таксама хірургічным і гінекалагічным захворванням, сцвярджаюць кітайскія спецыялісты.

Кітайскія рэцэпты. Якія хваробы будуць лячыць у цэнтры традыцыйнай кітайскай медыцыны на Даватара?

– Прасцей назваць хваробы, якія не падуладныя кітайскім традыцыйным метадам. А яны ўсё ж ёсць. Таму да нас лепш за ўсё звяртацца з ужо пастаўленым дыягназам. У гэтым напрамку мы будзем працаваць у саюзе з класічнай медыцынай, – падкрэслівае Сяо Хун.

Дакладны дыягназ вельмі важны яшчэ і таму, што метады кітайскай традыцыйнай медыцыны нацэлены на ліквідацыю хваробы, а не проста на зняцце сімптомаў, падкрэсліваюць кітайскія спецыялісты. Кабінет кітайскага масажу будзе прымаць нават маленькіх пацыентаў.

Разам з Сяо Хун і яе кітайскай калегай Юань Тао ў цэнтры будзе працаваць беларускі лекар, а таксама гродзенка, якая вывучала кітайскую мову ў ГрДУ імя Янкі Купалы і будзе працаваць у цэнтры адміністратарам.

Кітайскія рэцэпты. Якія хваробы будуць лячыць у цэнтры традыцыйнай кітайскай медыцыны на Даватара?

Цэнтр рыхтуюцца ўрачыста адкрыць ужо ў лютым. Па ўмовах кантракту, Сяо Хун будзе кіраваць цэнтрам на працягу двух гадоў.

– Толькі калі я буду ўпэўненая, што праца цалкам наладжана, змагу ўбачыць мужа, сына і бацькоў, якія засталіся ў Кітаі. Яны перажываюць за мяне і сумуюць. Але ў мяне праца такая – лячыць людзей, прасоўваць метады традыцыйнай кітайскай медыцыны. Такія цэнтры працуюць у многіх краінах па ўсім свеце, – кажа Сяо Хун.

Раім пачытаць

Каментары

Spelling error report

The following text will be sent to our editors: