Пад Гродна можна будзе рыхтавацца да экстрэмальных горных паходаў

У Гродзенскім раёне створана база для падрыхтоўкі да экстрэмальных горных паходаў, паведаміў карэспандэнту БЕЛТА намеснік старшыні ГА «Рэспубліканскі турысцка-спартыўны саюз» Сяргей Каляда.

Капцёўка Гродзенскага раёна 10 лютага прыме абласныя спаборніцтвы па турысцка-прыкладным шматбор'і ў тэхніцы пешаходнага турызму ў закрытых памяшканнях.

«Месца правядзення выбрана не выпадкова. У школе гэтага аграгарадка нядаўна створана першая ў вобласці зала для трэніровак турыстаў, практычна палігон для падрыхтоўкі да сезону актыўнага турызму ў закрытых памяшканнях. Змантаваная горная сцяна для трэніровак па скалалажанні, нацягнутыя вяроўкі для імітацыі вертыкальных спускаў і пад’ёмаў, адпрацоўкі навыкаў працы з вяроўкамі, якія могуць спатрэбіцца ў гарах. У школе створана добрая каманда па турызме, з’явіўся і важны для трэніровак аб’ект», — адзначыў Сяргей Каляда.

Падобная зала, падкрэсліў ён, дазволіць падрыхтавацца і адпрацаваць навыкі, якія спатрэбяцца ў рэальных экстрэмальных паходах. Спаборніцтвы стануць першай прэзентацыяй базы для падрыхтоўкі турыстаў.

«Такі від адпачынку ў цяперашняй моладзі становіцца ўсё папулярней. Гарадзенцы ходзяць у паходы літаральна па ўсім свеце ад гор у Азіі і Афрыцы да цікавых маршрутаў у Амерыцы. Каб паход прайшоў бяспечна, неабходна падрыхтоўка», — адзначыў Сяргей Каляда.

Паводле яго слоў, у Гродне напрацаваны сур’ёзны вопыт па арганізацыі і правядзенні мерапрыемстваў для актыўнага турызму, створана каманда арганізатараў.

Падзяліцца

Апошнія запісы

«Гродногаз» і «Гродна Азот». У Гродне створаць адзіную дзяжурна-дыспетчарскую службу: як яна будзе працаваць і чым дапаможа людзям

У Гродне створаць адзіную дзяжурна-дыспетчарскую службу (АДДС) на 16 арганізацый. Яна аб'яднае экстраныя службы і…

13 сакавіка 2025

«Роял парк» на месцы рэзні. У цэнтры Гродна зносяць першы гродзенскі мясакамбінат (фота)

Амаль у цэнтры Гродна пабудуюць новы квартал таўнхаусаў з гучнай назвай "Роял парк". Ён з'явіцца…

13 сакавіка 2025

У Музеі гісторыі рэлігіі ў Гродне адкрылі новыя залы

Новая экспазіцыя прысвечана паўсядзённаму жыццю шляхты ў другой палове XVIII – пачатку ХХ стагоддзя. У…

12 сакавіка 2025

Пару з Гродна судзяць за арганізацыю прастытуцыі

У Гродне працягваецца суд за ўцягванне ў прастытуцыю і злоўжыванне ўладай. Мяркуючы па ўсім, судзяць…

12 сакавіка 2025

«Не хочам, каб хадзіў КДБ». У BY_help расказалі, чаму адмовілі ў падтрымцы былому палітвязню Вадзімаці

Парушыў дамову, разгаласіў звесткі. Заснавальнік BY_help Аляксей Лявончык пералічыў прычыны, па якіх фонд дапамогі рэпрэсаваным…

12 сакавіка 2025

У Гродна зараз — самае бруднае паветра ў Беларусі. У чым прычына?

Паводле дадзеных сайта арганізацыі IQAir 12 сакавіка індэкс якасці паветра ў Гродне складае 112. Такі паказчык…

12 сакавіка 2025