6 лютага ў актавай зале Гродзенскага Свята-Пакроўскага кафедральнага сабора (вул. Акадэмічная, 2) у межах XVII Міжнароднага фестывалю праваслаўных песнапенняў «Каложскі дабравест» адбудзецца вечар духоўнай паэзіі і аўтарскай песні.
Удзельнікі імрэзы:
- Данута Бічэль — паэтка, эсэістка, перакладчыца, лаўрэат Дзяржаўнай прэміі БССР імя Янкі Купалы.
- Анатоль Брусевіч — паэт, перакладчык, літаратуразнаўца.
- Юрка Голуб — паэт, перакладчык, лаўрэат Літаратурнай прэміі Імя Аркадзя Куляшова.
- Алесь Камоцкі — паэт, перакладчык, выканаўца ўласных песень.
- Павел Каспяровіч — паэт, клірык Гродзенскага Свята-Пакроўскага кафедральнага сабора.
- Алесь Разанаў — паэт, перакладчык, эсэіст, лаўрэат Дзяржаўнай прэміі БССР імя Янкі Купалы.
- Усевалад Сцебурака — паэт, празаік, намеснік старшыні ГА «Саюз беларускіх пісьменнікаў».
Пачатак 18.00. Уваход вольны.
