Прадстаўнікі палітычных партый і грамадскіх арганізацый Гародні адправілі калектыўны зварот да гарадскіх уладаў з прапановай адзначыць 100-годдзе Беларускай Народнай Рэспублікі разам, піша «Радыё Рацыя».
Пра зварот распавядае Вадзім Саранчукоў — кіраўнік гарадзенскай арганізацыі партыі БНФ:
— 14 арганізацый падпісаліся пад зваротам у гарадскі выканаўчы камітэт з прапановамі далучыцца да працы аргкамітэта па святкаванні стагоддзя 25 сакавіка. Перш за ўсё, мы спрабуем выйсці на святочны фармат гэтай падзеі, каб не было ніякай канфрантацыі і недарэчнасцяў. Сумесна хочам адзначыць вялікую дату — стагоддзе ўтварэння Беларускай Народнай Рэспублікі. Згодна з заканадаўствам, рашэннем гарсавета, для таго, каб гэтыя мерапрыемствы прайшлі на пэўным узроўні, на высокім узроўні, у працы аргкамітэта і арганізацыі гэтых мерапрыемстваў павінны браць удзел прадстаўнікі гарадской адміністрацыі.
У Гародні святкаванні ўгодкаў БНР адбываліся ў розныя гады па-рознаму. 10 гадоў таму гарадскія ўлады нават дазволі правесці мерапрыемства ў вялікай зале палаца «Юнацтва». У гэтым годзе прадстаўнікі дэмакратычнай супольнасці Гародні плануюць правесці таксама цэлы шэраг мерапрыемстваў.
Домік для бяздомных катоў з'явіўся ў адным з аграгарадкоў пад Гроднам. У ім ужо пасялілася…
Напярэдадні свят на польска-беларускай мяжы сабраліся чэргі з турыстычных аўтобусаў і легкавых аўтамабіляў. У сацыяльных…
Нацыянальны банк Беларусі рыхтуе да выпуску памятныя манеты, прысвечаныя 200-годдзю Аўгустоўскага канала. Адпаведная інфармацыя з'явілася…
Завадчане працягваюць прыцягвацца па артыкуле 19.11 КаАП. Гэта нягледзячы на неаднаразовыя заклікі перагледзець свае сацыяльныя…
23 снежня ў Рэспубліканскі спіс экстрэмісцкіх матэрыялаў унеслі акаўнты ў Facebook і візуальны матэрыял гродзенцаў…
Сайт і сацсеткі сайта Grodno.in прызналі экстрэмісцкімі. Так вырашыў суд Ленінскага раёна Гродна 20 снежня.…