Здароўе і спорт

Футбольны «Нёман» выйшаў з адпачынку і прыступіў да падрыхтоўкі да новага сезона

У панядзелак 22 студзеня галоўны трэнер гродзенскай каманды Ігар Кавалевіч правёў першую трэніроўку сваёй каманды ў гэтым годзе. Да падрыхтоўкі да новага сезона прыступіла каля 15 чалавек, сярод якіх былі не толькі футбалісты леташняга складу, але і тыя, хто вярнуўся з арэнды.

Першая трэніроўка «Нёмана» прайшла ў Каложскім парку на новым полі са штучным пакрыццём. Як паведамляе twitter гродзенцаў, на гэтай трэніроўцы адсутнічалі Вячаслаў Глеб i афрыканскiя гульцы Абуна i Бебе, якія яшчэ не прыехалі з адпачынку. Не былi i Дзмітрый Верхаўцоў, Максім Мякіш і Дзмітрый Хлебасолаў, якія працягнуць кар’еры ў іншых клубах. Таксама не было Уладзіслава Клімовіча, які вярнуўся ў БАТЭ пасля заканчэння тэрміну арэнды і Паўла Савіцкага, які перайшоў у брэсцкае «Дынама». Але ў цэлым варта адзначыць, што сваю каманду Кавалевічу ўдалося захаваць.

На першай трэніроўцы каманды былі прыкметныя і гульцы, якія прыехалі на прагляд. Гэта ураджэнец Смаргоні дасведчаны нападаючы 32-гадовы Леанід Ковель, які да нядаўняга часу выступаў у Латвіі, а таксама 24-гадовы ўкраінскі атакуючы паўабаронца Віталь Квашук, які ў мінулым сезоне абараняў колеры «Віцебска». Не выключана, што ў бліжэйшы час прыедуць у Гродна чарговыя гульцы на прагляд.

Падрыхтоўка «Нёмана» у Гродне працягнецца да 30 студзеня, а пасля каманда адправіцца ў Жодзіна, дзе прыме ўдзел у традыцыйным зiмовым турніры «Белазовец». Турнір у Жодзіна працягнецца да 3 лютага. Пасля гэтага каманда Ігара Кавалевіча зноў вернецца ў Гродна, дзе будзе рыхтавацца да новага сезону.

Падзяліцца

Апошнія запісы

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам у 60 метрах ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025