Чытачы “АвтоГродно” паведамілі пра тое, што па трасе М6 у раёне павароту на Наваградак практычна немагчымы праезд – там адбылася аварыя грузавікоў, абедзве паласы заблакаваныя. Інцыдэнт адбыўся каля 15:30.
Вядома, што там сутыкнуліся два МАЗы, якія перавозілі пясок для рэканструкцыі трасы. Падчас ДТЗ прычэп МАЗа “заламала”, з яго высыпаўся пясок на дарогу.
Паводле папярэдняй інфармацыі, у аварыі не ўдзельнічалі легкавыя аўтамабілі.
– Абедзве паласы занятыя, вялікая пробка нават пасля пяці гадзін вечара. Аўтамабілі ў бок Гродна аб’язджаюць аварыю па збочыне, – напісаў карыстальнік Сяргей.
Майстар, які працуе на дадзеным участку трасы М6, распавёў “АвтоГродно”, што “МАЗ з прычэпам выгружаўся каля краю праезджай часткі і яго хацеў аб’ехаць МАЗ-самазвал. Насустрач ехаў легкавы аўтамабіль і кіроўца МАЗа палічыў, што паспее завяршыць манеўр. Пазбягаючы сутыкнення, ён выруліў у МАЗ з прычэпам. Адбылося сутыкненне. Людзі не пацярпелі”.
