Некалькі гадоў таму гродзенская група мэблевых кампаній «ЗОВ» апынулася ў крытычным становішчы, паведамілі ў праграме Навіны «24 гадзіны» на СТВ. Тэмпы вытворчасці рэзка ўпалі, прыбыткі наблізіліся да нуля, работнікаў сталі звальняць.
Гэтыя праблемы пачаліся пасля таго, як у лютым 2015 года асноўнага ўладальніка Алега Зухавіцкага ўзялі пад варту. У траўні ён выйшаў на волю і праз некалькі тыдняў запусціў у Гродне новую фабрыку па вытворчасці вырабаў з натуральнага дрэва, кампенсаваўшы шкоду на суму каля 60 млрд рублёў. Але ў лістападзе 2015 года ізноў апынуўся ў няволі. КДБ падазраваў Зухавіцкага і яго кампаньёнаў у атрыманні ценявых даходаў з наступным вывадам сродкаў за межы краіны і нявыплатай падаткаў у асабліва буйным памеры. У жніўні 2016 года стала вядома, што матэрыялы па справе Зухавіцкага накіравалі ў пракуратуру для перадачы ў суд.
[irp posts="1480″ name="Гродзенскі бізнесмен Алег Зухавіцкі выйшаў на волю"]
Зараз прадпрыемства імкнецца аднавіць ранейшы калектыў, бо звольніліся амаль 600 чалавек. Тым, хто трапіў пад скарачэнне і вярнуўся, захавалі працоўны стаж і сацыяльныя гарантыі. Напрыклад, медыцынскую страхоўку для кожнага работніка.
Аднаўляць прыйшлося і вытворчасць: яе тэмпы знізіліся ў чатыры разы. А прыбыткі - амаль на 80% у месяц. Пачалі шукаць і новыя формы работы. Цяпер кухонныя гарнітуры не толькі элітныя, але і эканом.
Падрыў рэпутацыі кампаніі адбіўся на колькасці замоваў. Страцілі значную частку асноўнага расійскага рынку збыту і давялося шукаць новых партнёраў.
— «У нас ужо сёння ідуць Польшча, Германія, Літва, Латвія. У Эміратах у нас ідуць перамовы. Я думаю, што на працягу двух-трох месяцаў мы будзем там гандляваць,» — кажа Уладзімір Зухавіцкі, старшыня праўлення будаўніча-мэблевага аб’яднання.
[irp posts="1495″ name="Алег Зухавіцкі адразу пасля вяртання ў Гродна наведаў сінагогу"]
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…
Калі вы хацелі жыць у кватэры з уласнай фрэскай, ды яшчэ і блізка да прыроды,…