Сярод экспанатаў Смаргонскага гісторыка-краязнаўчага музея работнікі міліцыі знайшлі карабін 1914 года выпуску, прыдатны для стральбы, піша kraj.by.
Смаргонскі раённы аддзел Следчага камітэта распачаў крымінальную справу ў дачыненні да супрацоўніка музея, які з 2012 года захоўваў зброю, забароненую да экспазіцыі.
Начальнік Смаргонскага РАСК Віктар Дамуць распавёў kraj.by:
— Зараз праводзяцца следчыя дзеянні, таму рабіць канчатковыя высновы з гэтай нагоды заўчасна. Паводле папярэдняй версіі, карабін Першай сусветнай вайны трапіў у музей пасля таго, як яго знайшлі чорныя капальнікі. Па існуючых правілах, калі ў музей трапляе зброя, работнікі павінны перадаць яго міліцыі. Міліцыя прымае рашэнне аб магчымасці экспанавання ў выпадку, калі экспертыза ўсталюе, што з гэтай зброі страляць немагчыма. У міліцыю карабін ў 2012 годзе не перадавалі, усе гэтыя гады ён заставаўся ў музеі.
Па словах Віктара Дамуця, цяпер эспертыза зроблена, вырабілі кантрольны адстрэл, па яе выніках карабін прыдатны для стральбы. Падазраваны сцвярджае, што ніколі яго не выстаўляў для ўсеагульнага агляду наведвальнікаў музея.
Крымінальная справа ўзбуджаная па другой частцы артыкула 295 Крымінальнага кодэкса Рэспублікі Беларусь «Незаконнае захоўванне агнястрэльнай зброі».
Злачынства караецца папраўчымі работамі да двух гадоў ці арыштам, ці абмежаваньнем волі да пяці гадоў, або пазбаўленнем волі да сямі гадоў з канфіскацыяй маёмасці або без канфіскацыі.
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…