Дадаць навіну
Панядзелак, 22 кастрычніка 2018, 12:14

На станцыях Дзяржтэхагляду абнаўляюць праграму, якая зможа перадаваць інфармацыю ў ДАІ

На станцыях дзяржтэхагляду ў Гродзенскай вобласці актыўна абнаўляюць праграмнае забеспячэнне. З яго дапамогай ў найбліжэйшы час супрацоўнікі ДАІ атрымаюць доступ да баз тэхаглядаў і змогуць даведвацца інфармацыю пра аўтамабіль, нават калі аўтаўладальнік не возіць з сабой сертыфікат аб праходжанні ТА, паведаміла неафіцыйная крыніца AutoGrodno.by.

– Як толькі супрацоўнік Дзяржтэхагляду ўвядзе ў праграму дадзеныя пра аўтамабіль, інфармацыя адразу ж стане даступная супрацоўнікам Дзяржаўтаінспекцыі. У будучыні плануецца наладзіць і камеры фіксацыі хуткасці такім чынам, каб яны маглі фіксаваць аўтамабілі без пройдзеных тэхаглядаў. Праўда, пакуль цяжка ўявіць, наколькі ПЗ камер з гэтым справіцца, – паведаміў суразмоўца.

Чытайце яшчэ:  З 1 студзеня пры змене ўладальніка аўтамабіля тэхагляд не трэба праходзіць зноўку

Крыніца дадала, што цяпер ідзе наладка праграмнага забеспячэння на станцыях тэхагляду. Чакаецца, што сістэма запрацуе праз тыдні два.

Афіцыйнага пацверджання аб магчымасцях новай праграмы няма. Тым не менш, прадстаўнікі тэхагляду падкрэслілі, што сапраўды ўстанаўліваецца новае ПЗ і пакуль ёсць некаторыя збоі ў яго працы. У прыватнасці, не заўсёды хутка ўдавалася ўнесці ў базу дадзеных адзнаку аб праходжанні тэхагляду аўтамабілістамі.

Чытайце яшчэ:  “Выгадней атрымліваць штрафы”: у Беларусі 1,2 млн аўто ездзяць без тэхагляду

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: