З дзіцячага садка ў Слоніме з-за задымлення эвакуявалі больш за 170 дзяцей. Здарэнне адбылося 18 снежня ў дашкольнай установе на Косаўскім тракце, паведамляе Белта.
Апоўдні выратавальнікам паступіла паведамленне аб задымленні ў адным з памяшканняў дзіцячага саду. На месца былі накіраваны чатыры каманды ратавальнікаў, а таксама машыны службаў ўзаемадзеяння.
«Пасля прыбыцця на месца было выяўлена шчыльнае задымленне ў памяшканні электрашчытавой і нязначнае ў памяшканнях першага паверха дзіцячага саду. З будынка эвакуіраваны звыш 170 дзяцей і каля 40 работнікаў дашкольнай установы», — адзначылі ў абласным упраўленні МНС.
Пацярпелых у выніку здарэння няма. Верагодней за ўсё, прычынай задымлення стала кароткае замыканне ў электрашчыце, ад якога сілкуецца кухоннае абсталяванне.
Дзеці былі пераведзены ў будынак суседняй школы. Аператыўна былі абвешчаны бацькі. Чакаецца, што сёння сад працягне працу ў звычайным рэжыме.
