У 2018 годзе беларусы будуць працаваць 253 дні пры пяцідзённым рабочым тыдні, а адпачываць 112 дзён (столькі будзе выходных і святочных), піша «Тут.бай».
Тыя ж, у каго «шасцідзёнкі», на працы правядуць 305 дзён, а адпачываць будуць 60 дзён, адзначылі ў Мінпрацы.
У 2018 годзе непрацоўнымі святочнымі днямі будуць:
1 студзеня — Новы год;
7 студзеня — Раство Хрыстова (праваслаўнае Раство);
8 сакавіка — Дзень жанчын;
17 красавіка — Радаўніца (па календары праваслаўнай канфесіі);
1 мая — Свята працы;
9 мая — Дзень Перамогі;
3 ліпеня — Дзень Незалежнасці Рэспублікі Беларусь (Дзень
Рэспублікі);
7 лістапада — Дзень Кастрычніцкай рэвалюцыі;
25 снежня — Раство Хрыстова (каталіцкае Раство).
У 2018 годзе на нядзелю прыпадае нерабочы святочны дзень 7 студзеня — праваслаўнае Раство Хрыстова.
Прафесійныя святы (напрыклад, Дзень юрыста, Дзень настаўніка, Дзень банкаўскіх і фінансавых работнікаў, Дзень работнікаў фізічнай культуры і спорту і іншыя) не з’яўляюцца непрацоўнымі святочнымі днямі, і на іх норма аб памяншэнні працоўнага часу на адну гадзіну ў перадсвяточны працоўны дзень не распаўсюджваецца, тлумачаць у Мінпрацы.
Акрамя таго, працоўны дзень (змена) не скарачаецца, калі непрацоўнаму дню папярэднічае выходны дзень (па календары ці графіку работ (зменнасці).
У ведамстве нагадваюць, што працоўны дзень, якi непасрэдна папярэднiчае дзяржаўнаму святу або святочнаму дню, скарачаецца на адну гадзіну.
[irp posts="41 971″ name="Другога студзеня будзем адпачываць: Саўмін зацвердзіў графік пераносу рабочых дзён на 2018 год"]
