Горад

Таямнічы «Дом масонаў» у цэнтры Гродна: фотарэпартаж са старога будынка, які мала хто бачыў знутры

Раніцай у пятніцу 15 снежня брыгада рабочых пачала вывозіць машынамі смецце з «Дома масонаў», які знаходзіцца ў цэнтры Гродна на завулку Тэлеграфным. Аб’ект унікальны і мае сваю цікавую гісторыю. Пакуль рабочыя займаліся смеццем, карэспандэнту Hrodna.life дазволілі зайсці ў стары будынак, у якi мала хто трапляў з гродзенцаў.

Сёння «Дом масонаў» знаходзіцца ва ўласнасці ўніверсітэта ім. Янкі Купалы. Там на першым паверсе ўжо некалькі гадоў знаходзіцца выдавецкі цэнтр. Другі паверх і скляпенні ніяк не выкарыстоўваюцца, але ў снежні пачаўся планавы рамонт. Што там будзе ў будучыні, невядома, але архітэктура памяшканняў уразіць любога.

Так, на другім паверсе можна ўбачыць купал, які калісьці вянчаў гэты будынак. А вось у падвалах будынка і зусім можна заблукаць, бо яны маюць мноства пакояў.


«Дом масонаў» быў пабудаваны ў 80-я гады 18 стагоддзя архітэктарам Джузэпэ дэ Сака ў якасці асабістай рэзідэнцыі. Першапачаткова дом быў аднапавярховы, але ў 1874 годзе яго перабудавалі. У канцы 18 стагоддзя тут праходзілі паседжанні масонскай ложы, на якіх прысутнічалі Ж.Э. Жылібер, Я. і Ж. Бэкю, Ф. Нарвойш, Дж. Сака і іншыя вядомыя асобы горада.

У пачатку 19-га стагоддзя дом становіцца ўласнасцю розных дабрачынных арганізацый. Там працягваліся пасяджэнні гродзенскага дабрачыннага таварыства з удзелам гродзенскага губернатара і масона М. Бутовт-Анджейкавiча, прэзідэнта Гродна Крэйбiха, магнатаў Ляхніцкіх, В. Мусіна-Пушкіна і інш. Пасля Другой сусветнай вайны дом быў аддадзены для патрэб устаноў аховы здароўя і адукацыі.

Падзяліцца

Апошнія запісы

Нерухомасць тыдня: на Фолюшы прадаюць кватэру з размаляваным балконам і вокнамі ў парк

Калі вы хацелі жыць у кватэры з уласнай фрэскай, ды яшчэ і блізка да прыроды,…

29 сакавіка 2025

6000 рублёў у месяц можна зарабляць з базавай адукацыяй: спіс вакансій

У Гродне ёсць амаль 600 працоўных месцаў, дзе хопіць базавай адукацыі (9 класаў). Зарабляць там…

29 сакавіка 2025

Улады: гродзенцы за суткі выкупілі кватэры ў новабудоўлі ў Грандзічах

"Гроднажылбуд" 27 сакавіка апублікаваў навіну аб выстаўленні на продаж кватэр у 18-павярховай новабудоўлі ў Грандзічах.…

28 сакавіка 2025

У Гродне адкрылася кафэ «Буржуйка» з абедамі навынас

Кафэ “Буржуйка” з абедамі навынас адкрылася па вул. Ткацкая, 14 у (раён Ласосна). Па цане…

28 сакавіка 2025

У Гродне менш за 10% вуліц патрабуюць пільнага перайменавання. Якія назвы найчасцей сустракаюцца ў Гродне?

Усяго 8% назваў вуліц Гродна звязаны з савецкімі і расійскімі вайсковымі дзеячамі і камуністамі, якія…

28 сакавіка 2025

У гродзенскім ЦУМе адкрываюць кафэ Grand Bistro. Гродзенцы незадаволеныя, што няма інфармацыі

Кафэ хуткага харчавання Grand Bistro адкрываюць на чацвёртым паверсе ЦУМа на Савецкай, 18, дзе раней…

28 сакавіка 2025