Усё больш беларускіх аўтааматараў адмаўляюцца праходзіць дзяржаўны тэхнічны агляд аўтамабіля. Беларусам выгадней атрымліваць штрафы за адсутнасць тэхагляду, чым плаціць дарожны збор, расказаў у перадачы «Галоўны эфір» на тэлеканале «Беларусь 1» начальнік УП «Белтэхагляд» Уладзімір Півульскі.
Сёлета з амаль трох мільёнаў аўтамабіляў, зарэгістраваных у Беларусі, на тэхагляд не прыехала амаль палова — гэта каля 1,2 млн аўтамабіляў.
За 10 месяцаў 2017 года на тэхагляд прыехалі 1 мільён 325 тысяч аўтамабіляў. Прычым 215 тысяч не прайшлі яго з першага разу. Асноўная прычына — няспраўнасць тармазных сістэм. Гэта больш за 50% усіх адмоваў пры праходжанні тэхагляду.
Нагадаем, беларускія аўтааматары ўжо тры гады плацяць дзяржаўную пошліну за выдачу дазволу на допуск транспартнага сродку да ўдзелу ў дарожным руху. Яна разлічваецца зыходзячы з масы аўтамабіля, года выпуску або маркі аўто. Выплачваецца збор у поўным аб’ёме да праходжання тэхагляду. У сувязі з гэтым шматлікія аўтамабілісты сталі ігнараваць тэхагляд.
Стаўкі адрозніваюцца для фізічных асоб і арганізацый. Ад падатку вызваленыя аўтамабілі хуткай дапамогі, МНС, сілавых ведамстваў. Інваліды I або II групы аплачваюць палову кошту дзяржпошліны. Пенсіянеры па ўзросце выключаны са спісу ільготнікаў.
Мэта дзяржпошліны, як было заяўлена, фінансаванне будаўніцтва новых і рамонту існых дарог. Пры гэтым 50% сумы ад збору паступае ў рэспубліканскі бюджэт, 50% - у мясцовыя бюджэты. Цяпер беларускія дэпутаты хочуць змяніць прынцып збору пошліны. Прапануюць адвязаць дзяржпошліну ад працэдуры праходжання тэхагляду і спаганяць яе за фактычнае карыстанне дарожнай сеткай, а таксама дазволіць аўтамабілістам выплачваць пошліну часткамі, як страхоўку. Змены могуць уступіць не раней за 2019 год.
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…