Фота: як працягваецца рэканструкцыя палаца ў Свяцку

Ужо практычна год у палацава-паркавым комплексе «Свяцк» вядуцца рэканструкцыйныя і рэстаўрацыйныя работы. Ці ёсць зрухі, даведвалася “Перспектива”.

Палац роду Валовічаў у Свяцку быў пабудаваны ў канцы XVIII стагоддзя па праекце італьянца Джузэпэ Сака. Некалькі гадоў таму аб’ект перададзены ва ўласнасць санаторыю «Азёрны». Раней тут праводзіліся работы па ўладкаванні паркавай зоны і вадаёмаў.

– Са студзеня гэтага года ідзе рэканструкцыя з частковай рэстаўрацыяй будынкаў палацава-паркавага комплексу пад шматфункцыянальны аздараўленчы комплекс, – распавёў начальнік мікрараёна забудовы ААТ «Гроднажылбуд» Віктар Барташ. – Ужо падведзены інжынерныя сеткі: каналізацыя, вадаправод, электразабеспячэнне. Выкананы работы па будаўніцтве водазабору (прасвідраваныя дзве свідравіны) і ачышчальных збудаванняў.

Што тычыцца левага флігеля – то там з’явіўся новы дах. Гліняная чарапіца максімальна набліжана да той, што некалі была на будынку. Завершана ўстаноўка новых вокнаў. Зараз унутры будаўнікі заліваюць сцяжкі падлог, робяць унутраную разводку ацяплення.

Па левай галерэі скончана перакладка вонкавых сцен дваровага і паркавага фасадаў. Цяпер ўсталёўваюцца вокны, праводзіцца разводка электрыкі, пракладка інжынерных сетак: ацяплення, водазабеспячэння.

Фота: як працягваецца рэканструкцыя палаца ў Свяцку

Фота: як працягваецца рэканструкцыя палаца ў Свяцку

Фота: як працягваецца рэканструкцыя палаца ў Свяцку

Фота: як працягваецца рэканструкцыя палаца ў Свяцку

Па правым флігелі робіцца ўзмацненне падмурка, прыладжванне маналітных сцен, іх уцяпленне, кладка даху. Па галерэі з гэтага ж боку – перакладка вонкавых сцен дваровага і паркавага фасадаў, падмурка, а таксама гідраізаляцыя.

– У цэнтральным будынку працы пакуль не вядуцца, – адзначае Віктар Барташ. – Там запланавана дадатковае даследаванне апорнай здольнасці канструкцыі. Па меры выпуску праектнай дакументацыі – прыступім да рэканструкцыі.

Фота: як працягваецца рэканструкцыя палаца ў Свяцку

Фота: як працягваецца рэканструкцыя палаца ў Свяцку

Фота: як працягваецца рэканструкцыя палаца ў Свяцку

У гэтым памяшканні на другім паверсе захавалася некаторае старадаўняе ўбранне: роспіс на сценах, каміны, сцены з ляпнінай, люстра, драўлянае аздабленне вокнаў і дэкарацыя дзвярэй.

Фота: як працягваецца рэканструкцыя палаца ў Свяцку

Фота: як працягваецца рэканструкцыя палаца ў Свяцку

Варта адзначыць, што палацава-паркавы комплекс уключае ў сябе і будынак шматфункцыянальнага прызначэння, якb складаецца з кацельні, стайні, пральні, будынка адміністрацыйнага прызначэння і піўбара. Там умацоўваюць падмурак і аднаўляюць сцены.

Фота: як працягваецца рэканструкцыя палаца ў Свяцку

Фота: як працягваецца рэканструкцыя палаца ў Свяцку

Нарматыўны тэрмін будаўніцтва – 30 месяцаў. Зараз тут працуе 101 чалавек: муляры, бетоншчыкі, мастаўшчыкі, страхары. Таксама задзейнічаны спецыялісты па ўкладцы цеплатрасы, газаправода, сантэхнікі, электрыкі, плітачнікі, цесляры і многія іншыя. У буднія дні спецыялісты працуюць па 10 гадзін, у суботу – 6.

Фота: як працягваецца рэканструкцыя палаца ў Свяцку

Каментары

Spelling error report

The following text will be sent to our editors: