У доміку наглядчыка, дзе месціцца музей Аўгустоўскага канала, ужо другі сезон сваю зімовую рэзідэнцыю адкрые Дзед Мароз, паведамляе БЕЛТА.
«Сустрэне гасцей не толькі галоўны зімовы чараўнік са Снягуркай, але і знакі года адыходзячага і года будучыні: Певень і Жоўты сабака. Будзе цікава прагуляцца па рэзідэнцыі і ваколіцах дзецям і дарослым», — распавялі ў Гродзенскім раённым культурна-інфармацыйным цэнтры.
Побач са шлюзам размешчана алея пор года, дзе гарыць, напрыклад, вогнішча вясны, у якім згараюць усе страхі, нягоды і непрыемнасці. На арэлях лета можна перанесціся ў цёплую пару года, а на арцы восені пакінуць лісточкі з пажаданнямі. «Вырасце» ў раёне канала і дрэва дабрыні, на ім і ў спецыяльнай кніжцы можна пакідаць свае жаданні і пасланні Дзеду Марозу.
Усіх наведвальнікаў папросяць адзначыцца на спецыяльнай карце. А самыя актыўныя госці паспрабуюць сябе ў традыцыйных забавах: забегах з каромыслам або вілкамі, скачках у мяшку. Можна будзе сабраць сваю каманду і пазмагацца ва унікальную разнастайнасць хакея: у гэтым сезоне на Аўгустоўскім канале клюшкі вырашылі замяніць на мяцёлкі. Пасля актыўных забаў гасцям прапануюць гарачую гарбату і бліны. Будуць даступныя для ахвотных дэгустацыя традыцыйных рэгіянальных страў, майстар-класы па вырабе навагодніх сувеніраў і па народных танцах. Рэзідэнцыя будзе адкрыта для групавых і індывідуальных турыстаў.
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…