Дадаць навіну
Панядзелак, 11 снежня 2017, 23:11

Участак пад Кола агляду і гатэль “Беларусь”: што выстаўляюць на таргі ў Гродне ў снежні

На сайце Гродзенскага гарвыканкама змешчаная інфармацыя пра таргі, якія маюць адбыцца ў снежні. Сярод пераліку лотаў ёсць зямельны надзел у Каложскім парку пад будаўніцтва атракцыёна “Кола агляду”. Права заключыць дамову арэнды гэтага ўчастка тэрмінам на 50 гадоў прадаецца па пачатковым кошце каля 86 тысяч даляраў.

Аўкцыён адбудзецца 26 снежня. Пра тое, што ў Гродне пасля трыццацігадовага перапынку з’явіцца сваё Кола агляду, казалі яшчэ ў траўні, нават быў інвестар.

Гэтаксама на таргі выстаўлены будынак былой Медычнай акадэміі па вул. Ажэшкі, 20, што месціцца ў парку Жылібера. Палац 18 ст пустуе некалькі гадоў і на таргі ўжо выстаўляўся раней.  Пачатковы кошт комплексу будынкаў з зялёнымі насаджэннямі – 2 315 767 руб.

Аўкцыён ладзіцца 26 снежня.

Сярод цікавых аб’ектаў аўкцыёну варта адзначыць продаж акцый ААТ “Гатэльная гаспадарка” – гатэль “Беларусь” з рэстарацыяй, пачатковы кошт усяго пакету акцый –

3 975 441,64 рублёў. Пакупнік цягам пяці гадоў пасля продажу мусіць захаваць профіль набытага аб’екта.

Аўкцыён адбудзецца 21 снежня.

 

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

0

Spelling error report

The following text will be sent to our editors: