Дзе прыглядаць кватэру ў наступным годзе: У Гродне пабудуюць два мікрараёны і працягнуць разбудоўваць Баранавічы

У мікрараёне Каўбасіно пабудуюць 8 дамоў, у Альшанцы – 4, на вуліцы Пралетарскай узвядуць 5 шматпавярховікаў, 2 на Фолюшы і 1 на падоўжанай вуліцы Курчатава. Чатыры шматпавярховікі будуць пабудаваны з маналіту, піша “Гродзенская праўда”.

З 2018 года пачнуць забудоўваць новы мікрараён Грандзічы

З сярэдзіны наступнага года пачнецца забудова новага мікрараёна Грандзічы. Як лічыць дырэктар УКБ Гродна Анатоль Урублеўскі, асвойваць новы мікрараён трэба адначасова з ушчыльненнем цяперашняй гарадской забудовы. Гэта трэба для таго, каб кампенсаваць знос будынкаў у зоне будучай забудовы па рынкавым кошце, забяспечыць пракладку магістральных інжынерных сетак, якія павінны быць як мінімум за два гады да пачатку ўзвядзення жылля. Такой “кропкавай забудовай” стануць адзін дом у Альшанцы, два на Фолюшы і адзін дом на Дзевятоўцы.

Чытайце яшчэ:  Гродзенскі Новы Свет зноў будуць зносіць: пад знос трапляе і 94-гадовая карэнная гродзенка

Зараз у праект забудовы Грандзічаў ўносяцца карэктывы з улікам новай канцэпцыі горадабудаўніцтва ў Беларусі. Згодна з ёй, дваровыя тэрыторыі будуць вызваленыя ад машын шляхам пракладання скразных пад’ездаў з выхадам у закрыты дворык ці вынасу транспарту па перыметры. А ўнутры двароў застануцца толькі пешаходныя сцежкі, малыя архітэктурныя формы. Пры гэтым ствараецца магчымасць заезду спецтранспарту – хуткай, пажарнай, аварыйнай і іншых службаў.

Як падкрэсліў Анатоль Урублеўскі, у асваенне мікрараёна Грандзічы ўжо ўкладзены немалыя сродкі. Пабудавана падстанцыя 110 кілавольт. Ідзе перадыслакацыя з Лапенак вайсковай часткі. Забяспечыць цяплом новы мікрараён кацельня былога тонкасуконнага аб’яднання, трэба толькі падоўжыць цеплатрасу. Ліўневая каналізацыя з мікрараёна Грандзічы будзе падключана да гэтай сістэмы ў Дзевятоўцы. Не будзе праблем і з водазабеспячэннем – побач водазабор “Гожка”.

Новы раён з’явіцца на месцы былога ваеннага гарадка

У наступным годзе будзе закладзены яшчэ адзін жылы раён на 1620 кватэр на месцы былога ваеннага гарадка ў Гродне. Ён размесціцца на плошчы 26 гектараў паміж вуліцай Лідскай і Румлёўскім праспектам, адкуль некалькі гадоў таму перабазавалася воінская частка.

Дзе прыглядаць кватэру ў наступным годзе: У Гродне пабудуюць два мікрараёны і працягнуць разбудоўваць Баранавічы

Жыллё плошчай 100 тысяч квадратных метраў ўзвядуць на дваццаці гектарах. Дамы будуць у асноўным 5-7-павярховыя серыі ККД, а таксама тры 19-павярховыя гмахі. Запраектаваныя тры гэтак званыя шматпавярховікі-“чарвячкі” вышынёй ад 8 да 16 паверхаў у маналітным выкананні.

Праект прадугледжвае ўзвядзенне гандлёва-грамадскага цэнтра і дзіцячага саду, пачатковай школы. Канцэпцыя забудовы новага мікрараёна распрацавана з улікам новай канцэпцыі горадабудаўніцтва.

Індывідуальнае будаўніцтва жылля будзе весціся ў новых мікрараёнах Баранавічы. Завяршаецца фарміраванне раёна Баранавічы-7, на чарзе дзявяты і адзінаццаты раёны.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: