Дадаць навіну
Пятніца, 20 ліпеня 2018, 02:57

Нажом у сэрца: 24-гадовая дзяўчына з-за рэўнасці забіла свайго хлопца

У канцы мінулага тыдня маладая дзяўчына пасля застолля забіла свайго хлопца, паведамляе прэс-служба УУС Гродзенскага аблвыканкама.

24-гадовая дзяўчына разам з 35-гадовым сужыцелем і агульнымі знаёмымі ў сябе дома распівалі алкаголь. Каля 23 гадзін госці сышлі, а паміж сужыцелямі завязалася сварка. Дзяўчына абвінаваціла хлопца ў тым, што ў яго з’явілася іншая, схапілася за нож і нанесла сужыцелю ўдар у вобласць сэрца. Мужчына памёр на месцы, а дзяўчына, усвядоміўшы, што нарабіла, патэлефанавала ў міліцыю. Цяпер яна затрыманая, крымінальная справа ўзбуджана па артыкуле «Забойства».

Судова-медыцынская экспертыза ўстанавіла, што смерць пацярпелага наступіла ў выніку пранікальнага колата-рэзанага ранення грудной клеткі з пашкоджаннем сэрца.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: