Пад Лідай стварылі першы ў Беларусі квэст-лабірынт з жывых туяў

Зялёны лабірынт з туй з’явіўся на паляне батанічнага парка «Горні» ў Лідскім раёне. Пакуль жывая агароджа не вышэй за метр, але праз некалькі гадоў заблукаць сярод сотняў смарагдаў зможа і дарослы. Тут толькі адно правільнае выйсце і мноства тупікоў, піша «Гродзенскі Зялёны партал».


Праект лабірынта стварылі спецыялісты інстытута эксперыментальнай батанікі НАН Беларусі. За чатыры дні ў лістападзе строга па схеме супрацоўнікі Лідскага, Бердаўскага і Жырмунскага лясніцтваў высадзілі 1415 дрэў на тэрыторыі 25 на 37 метраў.

— Для таго, каб жывая агароджа выглядала адзіным цэлым і закрывала агляд ўжо з ніжніх галінак, яе неабходна стрыгчы ад 2 да 8 раз у год, — распавёў намеснік дырэктара па ідэалагічнай працы Лідскага лясгаса Чэслаў Борка. — Нашым лабірынтам пакуль больш цікавяцца малодшыя школьнікі, але заходняя туя смарагд у год вырастае на 20 сантыметраў і дасягае 4−6 метраў у вышыню. Праз некалькі гадоў разгадаць нашу загадку будзе цікава і дарослым. Парк «Горні» — гэта і лясны экалагічны адукацыйны цэнтр, так што акрамя квэста, мы будзем вучыць, як стварыць жывую загарадзь і даглядаць за ёй.

Фота turivleto.ru
Лабірынт стаў часткай ляснога экалагічнага адукацыйнага цэнтра «Парк «Горні», створанага на базе Лідскага лясгаса ў межах міжнароднага гранта Еўрапейскага саюза і Праграмы развіцця ААН «Садзейнічанне пераходу Рэспублікі Беларусь да «зялёнай» эканомікі». Грант лясгас атрымаў сумесна з Беларускім батанічным грамадствам.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025