Гродзенская абласная бальніца нарошчвае экспарт медыцынскіх паслуг: замежнікі ўсё часцей прыязджаюць, каб зрабіць пластычныя і малаінвазіўныя аперацыі. Пра гэта карэспандэнту БЕЛТА паведаміў намеснік галоўнага ўрача абласной клінічнай бальніцы Сяргей Візгалаў.
«З пачатку 2017 года экспарт медыцынскіх паслуг у параўнанні з мінулым годам вырас у 1,2 разы, тэмп росту склаў больш за 110%. Аперблок бальніцы абсталяваны сучасным абсталяваннем, якое па якасці аказаных паслуг дазваляе паспяхова канкурыраваць з клінікамі Расіі, а таксама Польшчы, Літвы і многіх іншых еўрапейскіх краін», — адзначыў Сяргей Візгалаў.
Прыярытэтным напрамкам па аказанні экспартных медпаслуг для клінікі з’яўляецца малаінвазіўныя хірургія. Укаранёны практычна ўсе сучасныя метады лапараскапічных аперацый на органах брушной поласці. Таксама папулярная ў замежнікаў пластычная хірургія: з-за мяжы прыязджаюць у Гродна на аперацыі па карэкцыі грудзей, рук і змене формы павек. Актыўна развіваецца экспарт паслуг у дачыненні лор-паталогіі і паталогіі органаў зроку. Пры высокай якасці замежныя пацыенты выбіраюць беларускія клінікі і з-за больш нізкай у параўнанні з замежным коштам тых ці іншых паслуг.
Геаграфія экспарту медпаслуг пастаянна пашыраецца. Часцей за ўсё ў Гродне прыязджаюць грамадзяне Расіі, Польшчы і Літвы. Таксама па паслугі медыкаў звяртаюцца жыхары Украіны, Іспаніі, Германіі, Францыі, Нігерыі, Казахстана і іншых краін.
Сёння, напрыклад, у бальніцы праапераваны з грыжай страваводнай адтуліны дыяфрагмы грамадзянін Польшчы. Жыхар прыгранічнага горада Саколка даведаўся, што ёсць магчымасць прайсці лячэнне ў Беларусі падчас турыстычнай паездкі ў бязвізавы Гродна: наведванне клінікі турфірма ўключыла ў праграму знаёмства з горадам.
«Для мяне важная эканомія сродкаў і часу. Калі ў Польшчы ў чарзе на аперацыю прачакаў б некалькі месяцаў, то тут усё вырашылася за лічаныя дні. Уражвае і ўзровень аказання паслуг», — адзначыў ён.
Малаінвазіўныя хірургія прадугледжвае, што такія пацыенты могуць быць праапераваныя сёння, а выпісаныя літаральна на наступны дзень. Такі падыход дазваляе атрымаць паслугі і замежнікам, якія прыехалі ў Гродна ў межах бязвізавага рэжыму. З кастрычніка 2016 года абласны цэнтр турысты могуць наведваць на тэрмін да 5 дзён без візы. Частка з іх прыязджаюць у Беларусь менавіта для медыцынскага і аздараўленчага турызму.
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…