Дадаць навіну
Чацвер, 23 лістапада 2017, 09:50

“Галоўная матывацыя – даказаць, што ты лепшы”. Гродзенская самбістка Таццяна Мацко чарговы раз стала чэмпіёнкай свету

Гродзенская спартсменка Таццяна Мацко на чэмпіянаце свету па самба, які праходзіў у Сочы з 10 па 13 лістапада, заваявала залаты медаль і зноў стала наймацнейшай самбісткай у свеце.

Змагалася 24-гадовая гродзенка ў вагавой катэгорыі да 64 кг. У фінале Мацко з лікам 10:0 перамагла італьянскую спартсменку Аліс Перын і стала чэмпіёнкай свету 2017 года.

“Гэта ўжо другі запар май залаты медаль. Папярэдні я заваявала на чэмпіянаце свету ў Балгарыі. Шлях да гэтага медаля быў вельмі складаны – праз траўмы, праз слёзы: нешта не атрымліваецца, ты хвалюешся, але ўсё роўна працягваеш ісці і ў выніку гэта ўзнагароджваецца. Галоўная матывацыя – даказаць, што ты лепшы.

Дзякуй родным і блізкім, якія дапамагаюць у цяжкую хвіліну не здавацца і працягваць ісці наперад. Спыняцца на дасягнутым не планую. Двухразовая чэмпіёнка свету – гэта добра, але будзе выдатна стаць трохразовай і чатырохразовай. Калі самба ўключаць у Алімпіяду, буду змагацца за тое, каб выйграць алімпійскае “золата”. А цяпер вядзем падрыхтоўку з прыцэлам на Еўрапейскія гульні, якія пройдуць у Мінску”, – распавяла Таццяна пасля фінальнага паядынку прадстаўнікам міжнароднай федэрацыі самба.

Мацко з’яўляецца не толькі двухразовай чэмпіёнкай свету, але і дзеючым чэмпіёнам Еўропы і Еўрапейскіх гульняў у Баку. Трэніруецца гродзенская самбістка пад кіраўніцтвам трэнера Аляксандра Бардзіна.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

0

Spelling error report

The following text will be sent to our editors: