10 лістапада ў Гродне лось, што прыблукаў у горад, трапіў у незвычайную пастку – праваліўся ў тэхнічны прыямак на тэрыторыі інстытута біяхіміі, размешчанага ў лесапаркавай зоне Пышкі.
«На месца выбылі спецыялісты інспекцыі, ветэрынары, прадстаўнікі МНС і прадпрыемства «Спецавтохозяйство». Жывёлу ўсыпілі,
пасля чаго пры дапамозе крана вынялі з пасткі», – распавёў БЕЛТА начальнік Гродзенскай гарадской і раённай інспекцыі прыродных рэсурсаў і аховы навакольнага асяроддзя Вадзім Палякоў.
Аперацыя заняла некалькі гадзін. Жывёлу пад наглядам спецыялістаў даставілі ў лес. Яны дачакаюцца абуджэння і яшчэ раз пераканаюцца, што з ласём усё ў парадку.
Як адзначыў Вадзім Палякоў, сур’ёзных пашкоджанняў у жывёлы няма, толькі лёгкія ўдары. Ласю каля трох гадоў.
