Аўтар даклада пра расследаванне забойства Паўла Шарамета выступіць у Гродне

Амерыканскі журналіст Крыстафер Мілер (Christopher Miller), аўтар дакладу «У правасуддзі адмоўлена: Украіна не прасунулася ў расследаванні забойства Паўла Шарамета», 21 кастрычніка выступіць з адкрытай лекцыяй у Гродне. Арганізатары сустрэчы — HrodnaMediaRoom і Прэс-клуб Беларусь.

Падчас адкрытай лекцыі з элементамі майстар-класа Крыс, які ведаў Паўла Шарамета асабіста, раскажа пра тое, як праводзіць журналісцкія расследаванні на прыкладзе забойства вядомага журналіста. Крыстафер Мілер раскажа пра падрыхтоўку сваёй журналісцкай працы, на якую ён выдаткаваў тры з паловай месяцы, пра найбольш цікавыя і дзіўныя моманты расследавання і пра тое, як ён дамагаўся шматлікіх інтэрв'ю, у тым ліку з высокапастаўленымі асобамі ва Украіне.

Даклад быў падрыхтаваны па замове Камітэта па абароне Журналістаў (CPJ, Committee to Protect Journalists), які базуецца ў Нью-Ёрку. Прэзентацыя адбылася ў Кіеве ў ліпені 2017 года. Аўтары дакладу праз год пасля гібелі Шарамета дамагліся прыёму ў прэзідэнта Украіны Пятра Парашэнкі для блізкіх Паўла.

У дакладзе, які грунтуецца на асабістых інтэрв'ю з дзясяткамі спікераў, Крыс падрабязна асвятляе беларускі, расійскі і ўкраінскі перыяды жыцця Паўла Шарамета, аналізуючы, адкуль журналісту маглі паступаць пагрозы. Мілер знаёміць чытача з апошнімі днямі Паўла, калі за ім вялося сачэнне, з дэталёвай карцінай на месцы выбуху аўтамабіля Алены Прытулы, у якім знаходзіўся Павел, і з ходам следства, прыходзячы да высновы пра шматлікія нестыкоўкі ў афіцыйнай версіі забойства журналіста з рэальнымі фактамі.

Мілер, карэспандэнт «Радыё Свабода» ва Украіне, піша пра канфлікты, карупцыю і палітыку ў рэгіёне для The Times, The Guardian і Global Post. Працуючы ў 2014 годзе рэдактарам і журналістам ва ўкраінскай газеце Kyiv Post, ён дапамагаў у кіраванні рэдакцыяй, якая была адзначана ў тым жа годзе Ганаровым медалём штата Місуры «За выдатнасць у служэнні журналістыцы» за асвятленне газетай крызісу ва Украіне.


HrodnaMediaRoom - ініцыятыва, арганізаваная Беларускай асацыяцыі журналістаў, рэдакцыя партала Hrodna.life і Цэнтрам гарадскога жыцця. Тут адбываюцца сустрэчы гродзенцаў з вядомымі журналістамі і медыяэкспертамі.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025