Аўтэнтычны рэцэпт гродзенскага перніка не захаваўся, хаця згадкі пра яго ёсць у гістарычных крыніцах. Аднавіць прысмак і надаць яму мясцовы каларыт вырашылі на «Гроднахлебпраме». Дзеля таго распрацавалі новую рэцэптуру і паклапаціліся аб прывабнай упакоўцы для брэндавай смакоткі.
«Цеста гатуецца з мукі, мёду, цукру ды іншых класічных складнікаў. Адметнасцю новага рэцэпта сталі „сухія духі“ — сумесь прыправаў і спецыяў. Тут ёсць мускатны арэх, імбір, карыца, тмін і каляндра», — распавяла майстар кандытарскага цэха Святлана Рымша.
«Теста замешваеццца, а пасля раздзелваецца на раскатачнай машыне. Каб атрымаць адбітак аленя, выкарыстоўваем разную дошку. Выпечаныя пернікі ўручную, пэндзлямі, пакрываем увараным цукровым сіропам. Пасля высыхання глазур робіцца паўпразрыста-белай», — тлумачыць Святлана.
Выпякаюцца «Гродзенскія пернікі» невялікімі партыямі па 5−10 штук.
Да слова, «штучныя» распісныя пернікі ўжо больш за год радуюць гродзенцаў на розныя святы. Зімой іх робяць у выглядзе снегавікоў і ялінак, да жаночага дня — у выглядзе васьмёрак, а да свята абаронцаў - у форме зорак. Да восеньскага свята, Дня маці, кандытары «Гроднахлебпрама» падрыхтавалі пернікі ў выглядзе кветак і сардэчак з надпісамі «Люблю!» і «Цалую!»
