Журналіст Hrodna.life патрапіць у памяшканне Цэнтра ўжо не змог.
Лекцыю расійскага гісторыка і філосафа Пятра Рабава, што мелася адбыцца ў Цэнтры гарадскога жыцця 9 кастрычніка, сарваў АМАП. Міліцыя затрымала каля 20 чалавек і выступоўцу. Нагодаю для затрымання назвалі званок, што паступіў у міліцыю. Зараз затрыманыя знаходзяцца ў Ленінскім РУУС. На 19.30 нікога не адпусцілі.
Затрыманых вызвалілі да 21.35, апошнім выпусцілі Пятра Рабава. Усім інкрымінуюць удзел у несанкцыянаваным масавым мерапрыемстве. Пазней напішам падрабязнасці.
Арандатар памяшкання Павел Мажэйка распавёў Hrodna.life, што з расійскім гісторыкам ён каля 16:00 павітаўся і сышоў з «Цэнтра», а калі вярнуўся, то ўбачыў супрацоўнікаў АМАПа.
«Людзей, якія прыйшлі паслухаць лекцыю сталі абшукваць, або правільней сказаць, аглядаць, — распавядае Павел. — Правяралі сумкі, а пасля людзей павезлі. Забралі прыблізна чалавек дваццаць. Прычыны затрымання не тлумачылі.
Пасля АМАПа прыехала апергруппа, якая запрасіла панятых і апісала ўсё, што было ў памяшканні - і рэчы, і кнігі."
Таксама у Паўла Мажэйкі ўзялі тлумачэнні пра тое, што адбывалася ў памяшканні.
«Я ім адказаў, што праходзіла звычайная лекцыя, якіх тут праходзіць дзесяткі. Яна тычылася гісторыі, тычылася гісторыі Беларусі.»
Да гэтага часу ўсе затрыманыя знаходзяцца ў Ленінскім РУУС. Сувязі з імі няма.
На заўтра ў Пятра Рабава планавалася лекцыя ў Баранавічах.
[irp posts="36 662″ name="АМАП сарваў сустрэчу з гісторыкам і філосафам Пятром Рабавым у Гродне"]
Згодна з часткай 1 артыкула 8.4. Працэсуальна-выканаўчага кодэкса Рэспублікі Беларусь аб адміністрацыйных правапарушэннях адміністрацыйнае затрыманне фізічнай асобы, у адносінах да якой вядзецца адміністрацыйны працэс, можа доўжыцца не больш за тры гадзіны, калi iншае не ўстаноўлена дадзеным Кодэксам.
У адпаведнасці з часткай 3 артыкула 8.2 Працэсуальна-выканаўчага кодэкса Рэспублікі Беларусь аб адміністрацыйных правапарушэннях па просьбе фізічнай асобы, затрыманай за здзяйсненне адміністрацыйнага правапарушэння, аб месцы яго знаходжання на працягу трох гадзiны паведамляецца паўналетнім членам яго сям'і, блізкім сваякам, абаронцу, наймальніку, з якім затрыманы знаходзіцца ў працоўных адносінах, адміністрацыя ўстановы адукацыі, навучэнцам або студэнтам якой ён з’яўляецца.
* Тлумачэнні са старонкі mvd.gov.by
"Гродна. Турыстычная карта для гасцей горада" выйдзе накладам 6000 штук. Усе асобнікі будуць толькі на…
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Праз дарогу ад гандлёва-забаўляльнага цэнтра Triniti на праспекце Янкі Купалы прадаюць трохпакаёўку ў новым доме.…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…