«ПаспяховаЯ» — гэта праект па падтрымцы і развіццю беларускага жаночага прадпрымальніцтва. Фінансавая ініцыятыва праходзіць у фармаце бізнес-сустрэч, на якіх жанчыны-прадпрымальнікі знаёмяцца з новымі магчымасцямі для паляпшэння свайго бізнесу. Наступная бізнес-сустрэча ў рамках праекта «ПаспяховаЯ» адбудзецца 12 кастрычніка ў Гродна.
Праект «ПаспяховаЯ» упершыню прайшоў у сакавіку ў Мінску. Таксама бізнэс-сустрэчы па падтрымцы і развіццю беларускага жаночага прадпрымальніцтва адбыліся ў Брэсце, Гомелі і Віцебску. У праекце ўжо прынялі ўдзел больш за 200 жанчын-прадпрымальнікаў гэтых рэгіёнаў. 12 кастрычніка 2017 года праект збярэ прадстаўніц малога і сярэдняга бізнесу Гродна і Гродненскай вобласці.
Праект прызначаны для ўладальнікаў ці кіраўнікоў справай жанчын з розных сфер бізнесу розных рэгіёнаў Беларусі. Бізнес-лэдзі пасля ўдзелу ў бізнес-сустрэчах праекта змогуць скарыстацца новымі фінансавымі магчымасцямі, каб яшчэ больш паспяхова развіваць сваю справу. Арганізатары праекта — Белінвестбанк і Еўрапейскі банк рэканструкцыі і развіцця.
Ініцыятары праекта паведамляюць, што інфармацыя, якую атрымліваюць жанчыны-прадпрымальнікі на бізнес-сустрэчах па аптымізацыі свайго бізнесу, сапраўды актуальная. Па выніках правядзення праекта ў чатырох рэгіёнах Беларусі за фінансавымі паслугамі банка-партнёра для развіцця ўласнай справы пасля кожнай сустрэчы звяртаюцца 30% удзельніц.
«Жаночае прадпрымальніцтва з’яўляецца надзейным і вельмі перспектыўным сегментам ў развіцці беларускага бізнесу ў цэлым. Таму сваёй задачай Белінвестбанк у рамках рэалізацыі праекта „ПаспяховаЯ“ бачыць садзейнічанне развіццю патэнцыялу жанчын у бізнэсе. Праграма кожнай сустрэчы ў рамках праекта дазваляе жанчынам-прадпрымальнікам даведацца, як ствараць і развіваць сваю справу, атрымаць інфармацыю аб фінансавых і нефінансавых магчымасцях, садзейнічае ўсталяванню новых кантактаў і карысных знаёмстваў, што ў сваю чаргу ўносіць пэўны ўклад ва ўмацаванне беларускай жаночай бізнес-супольнасці», — адзначыў намеснік старшыні Праўлення Белінвестбанка Аляксандр Філіповіч.
Фармат дзелавых сустрэч праекта «ПаспяховаЯ» складаецца з некалькіх кампанентаў. Па-першае, гэта знаёмства з Праграмай «Жанчыны ў бізнэсе» Еўрапейскага банка рэканструкцыі і развіцця. Праграма прапануе жанчынам-прадпрымальнікам новыя магчымасці для развіцця ўласнай справы. Таксама ўдзельніцам сустрэчы прадстаўляюць новыя інструменты, якімі ўжо сёння могуць скарыстацца жанчыны-прадпрымальнікі для аналізу эфектыўнасці свайго бізнесу.
Завяршальны элемент — адукацыйны. Увазе ўсіх удзельніц бізнес-сустрэчы арганізатары прапануюць майстар-класы экспертаў-практыкаў сферы прасоўвання, без чаго сучасны паспяховы бізнэс прадставіць складана. На бізнес-сустрэчы ў Гродна выступіць Таісія Пастухова, выканаўчы дырэктар Асацыяцыі кампаній камунікатыўных кансультантаў (АККК) — кампаній, якія аказваюць паслугі ў сферы камунікацыйнага кансалтынгу і кіравання карпаратыўнымі камунікацыямі.
Каб стаць удзельнікам бізнес-сустрэчы, неабходна прайсці абавязковую рэгістрацыю. За дадатковай інфармацыяй і пацвярджэннем удзелу звяртайцеся, калі ласка, да каардынатара праекта, Кацярыны Ермаловіч, па электронным адрасе yspeh.belinvestbank@gmail.com і па тэлефоне + 375 29 616 23 09. Удзел у бізнес-сустрэчы бясплатны. Колькасць месцаў абмежавана.
